თრომბის დაშლა ოქროსა და ლაზერის უნიკალური კომბინაციით
მეთოდის საფუძველი ფოტოთერმული თერაპიის პრინციპებია. სითბო გამოიყოფა ოქროს ნაწილაკების ინფრაწითელი ლაზერით დასხივების ხარჯზე. ნაწილაკები ემაგრება თრომბს და ხურდება, რის შედეგადაც ის იშლება და იხსნება ბლოკადა.
თრომბი, როგორც ცნობილია, საშიშია და შეიძლება გამოიწვიოს გულის შეტევა, ინსულტი, ფილტვის არტერიის თრომბოემბოლია. თრომბი ჟელესმაგვარი მასაა, რომელიც შედგება ფიბრინის პოლიმერიზირებული ძაფებისგან. სითბოს ზემოქმედების შედეგად ფიბრინული კავშირები იშლება და ნარჩენები ბუნებრივი გზით გამოირეცხება.
როგორც თაგვებზე ჩატარებულმა ექსპერიმენტებმა აჩვენა, ამ თერაპიით არა მარტო საშიში გვერდითი ეფექტების (როგორიცაა სისხლდენა) თავიდან აცილება, არამედ თრომბის გამწოვი პრეპარატების დოზირების შემცირებაცაა შესაძლებელი. სტრეპტოკინაზის მცირე დოზებთან ერთად, თერაპია არ ვნებს სისხლძარღვებს და ასუფთავებს მათ ინვაზიური ზემოქმედების გარეშე.
ლალი ჩხიკვაძე