ქრონიკული ვენური დაავადების გამომწვევი მიზეზები და მკურნალობის საშუალებები - მკურნალი.გე

რუბრიკები

ოჯახის მკურნალის ანონსი

დეკემბერი 2019

ქრონიკული ვენური დაავადების გამომწვევი მიზეზები და მკურნალობის საშუალებები

ქრონიკული ვენური დაავადების გამომწვევი მიზეზები და მკურნალობის საშუალებები
ქვედა კიდურების ვენების დაავადება ერთ-ერთი ყველაზე გავრცელებული პათოლოგიაა, რომელიც განსაკუთრებით ცხელი სეზონის დროს იჩენს ხოლმე თავს. ამ პრობლემაზე გვესაუბრება “ამტელ ჰოსპიტალ - პირველი კლინიკური საავადმყოფოს” სისხლძარღვთა ქირურგიის განყოფილების ხელმძღვანელი, მედიცინის დოქტორი ზაურ ნონიკაშვილი.

- ქრონიკული ვენური დაავადება ფართოდ გავრცელებული პრობლემაა. ის მოზრდილი მოსახლეობის 10-55%-ს აღენიშნება და უფრო ხშირია ქალებში. დაგვიანებული ჩარევისას სერიოზულად რთულდება და მკურნალობაც სოლიდურ ხარჯებს უკავშირდება. ქვდ-ის შორს წასული შემთხვევები შრომისუნარიანობის დროებითი თუ მყარი შეზღუდვის გამომწვევი ერთ-ერთი უხშირესი პათოლოგიაცაა.


- რამ შეიძლება გამოიწვიოს ქრონიკული ვენური დაავადება?
- იმ
მექანიზმების მოშლამ, რომლებიც უზრუნველყოფენ ვენური სისხლის უკუდინებას ორთოსტატიკულ მდგომარეობაში;

  • ვენური სისტემის გამტარებლობის დაქვეითებამ;
  • გულის უკმარისობამ;

რისკფაქტორებია:

  • თრომბის არსებობა;
  • ოჯახური ანამნეზი;
  • მდედრობითი სქესი;
  • 50 წლის ზემოთ ასაკი;
  • ჭარბი წონა;
  • მჯდომარე ან მდგომარე ცხოვრების წესი;
  • ორსულობა;
  • კონტრაცეფცია;
  • თამბაქოს მოხმარება.

ქრონიკული ვენური დაავადების დროს ვენის სანათური ფართოვდება, სარქვლები არაადეკვატურად იხურება, რასაც
მოჰყვება ვენური სისხლის რეფლუქსი, ჰიპერტენზია და ვენური სისხლის შეგუბება.

- რა სიმპტომებით შეიძლება გამოვლინდეს ქრონიკული ვენური დაავადება?
- ქრონიკული ვენური დაავადება პროგრესირებადი მდგომარეობაა. ადრეულ ეტაპზე ის მხოლოდ სიმპტომებით გამოვლინდება კლინიკური ნიშნების გარეშე. ეს სიმპტომებია:

  • ტკივილი;
  • შესივების შეგრძნება;
  • სიმძიმე ქვედა კიდურებში;
  • ქავილი;
  • ღამის კრუნჩხვები.

შემდეგ ეტაპზე ჩნდება ვიზუალური გამოვლინებები ტელეანგიექტაზიებისა და რეტიკულური ვენების სახით, მოგვიანებით კი - ვარიკოზული ვენები. მომდევნო სტადიაზე ხშირია ქვედა კიდურების შეშუპება, შემდეგ - ცვლილებები კანზე: პიგმენტაციის, ეგზემისა და ლიპოდერმატოსკლეროზის სახით. დაავადების შორს წასულ შემთხვევებში შეხორცებული და აქტიური წყლულები ვლინდება.

აღნიშნული დაავადება ძალიან გავრცელებულია და ის თერაპევტებსა და ოჯახის ექიმებთან სრულიად სხვა ჩივილებით მისულ 10 პაციენტიდან 8-ს აღენიშნება. ეს მონაცემები საერთაშორისო ეპიდემიოლოგიური კვლევის საფუძველზე შემუშავდა.

ჩვენს ქვეყანაში ყველაზე მაღალ პროცენტს დაა­ვადების ადრეული სტადია აღენიშნება, როდესაც წამყვანია სიმპტომები და არა მორფოლოგიური ცვლილებები, ანუ პაციენტები ქირურგიულ მკურნალობას არ საჭიროებენ და დაავადების მართვა თავისუფლად შესაძლებელია ქირურგების გარეშეც. მკურნალობის ამ ეტაპზე დაწყება ძალიან მნიშვნელოვანია პაციენტის დასაცავად შორს წასული, გართულებული შემთხვევებისაგან.

პაციენტები, რომელთაც აქვთ მხოლოდ სიმპტომები და არა ქვდ-ის ხილული ნიშნები, აუცილებლად საჭიროებენ მკურნალობის დაწყებას, ერთი მხრივ, შემაწუხებელი სიმპტომების მოსახსნელად და პაციენტის ცხოვრების ხარისხის გასაუმჯობესებლად და მეორე მხრივ, დაავადების პროგრესირების აღსაკვეთად.

- რა არის საჭირო ქვდ-ის გამოსავლენად?
- უპირველესად, სიმპტომების გამოკითხვა, აქვს თუ არა პაციენტს სიმძიმე, ტკივილი, კრუნჩხვები, შესივების შეგრძნება, შეშუპება, ქავილი.

ამასთანავე, ანამნეზის შეგროვება ქვდ-სთან ასოცირებული რისკფაქტორების გამოსავლენად.

- რამდენად დამახასიათებელია ამ მდგომარეობისთვის ტკივილი?
- ქვდ-ის დროს ტკივილი ერთ-ერთი უხშირესი სიმპტომია. ტკივილის ხასიათი არის აუცილებლად დიფუზური, რთულია ლოკალიზაციის განსაზღვრა. შეიძლება ის გამოვლინდეს წვის, ჩხვლეტის ან სიმძიმის შეგრძნების სახით. ასეთ ტკივილს ბოლო დროს „ვენური ტკივილის“ სახელწოდებით მოიხსენიებენ. ვენური ტკივილისთვის დამახასიათებელია გაძლიერება ჰაერის მაღალი ტემპერატურის დროს, შუადღიდან და მცირდება ქვედა კიდურების აწევისა და მოსვენებისას.

ვენური ტკივილი მნიშვნელოვნად ცვლის პაციენტთა ცხოვრების ხარისხს.

ფიზიკური გასინჯვისას, დაავადების სტადიის მიხედვით, შეიძლება შეგვხვდეს სხვადასხვა გამოვლინება:

  • ტელეანგიექტაზია;
  • ხილვადი ან მოსინჯვადი ვარიკოზული ვენები;
  • ეგზემა;
  • პიგმენტაცია;
  • შეხორცებული წყლული;
  • შეუხორცებელი წყლული.

- არის თუ არა ერთ-ერთი შემაწუხებელი სიმპტომი შეშუპება?
- შეშუპების შემთხვევაში მნიშვნელოვანია მისი დიფერენცირება სხვა წარმოშობის პათოლოგიური მდგომარეობისგან. ქვდ-ის დროს განვითარებული შეშუპებისთვის დამახასიათებელია წვივის ქვედა ნაწილსა და კოჭის არეში ლოკალიზაცია. უფრო მეტად არის გამოხატული შუადღიდან. ხშირად ორმხრივი ხასიათისაა და ასევე ხშირად ერწყმის ვენების ვარიკოზულ ცვლილებებს.

შეშუპებისას საჭიროა შემდეგი პათოლოგიებისგან დიფერენცირება:

  • ვენური თრომბოზი;
  • ლიმფედემა;
  • გულის ქრონიკული უკმარისობა;
  • ღვიძლის ან თირკმლის დაავადება;
  • კიდურების დაავადება;
  • ქრონიკული არტერიული უკმარისობა;
  • პერიფერიული პოლინეიროპათია.

- როგორ დგინდება დიაგნოზი?
- დასაწყისისთვის საჭიროა ანამნეზის გულდასმით შეკრება, კლინიკური გასინჯვა და დოპლეროგრაფია. საჭიროების შემთხვევაში შესაძლებელია ჩატარდეს არაინვაზიური დუპლექსსკანირება, პლეტიზმოგრაფია, ინვაზიური კვლევები + კომპლექსური სხივური გამოკვლევები: ფლებოგრაფია, ვარიკოგრაფია, ვენური წნევის განსაზღვრა, კომპიუტერული ტომოგრაფია, მაგნიტურ-რეზონანსული კვლევა.

- როგორია მკურნალობა?
- ქვდ-ის მართვის მეთოდები შეიძლება ორ ნაწილად დაიყოს: თერაპიული, რაც გულისხმობს ცხოვრების სტილის შეცვლას, კომპრესიულ თერაპიას და ვენოაქტიური მედიკამენტების მოხმარებას, და ქირურგიული მკურნალობა.

ცხოვრების სტილის შეცვლა მოიცავს:

  • რეგულარულ ფიზიკურ აქტივობას;
  • ხანგრძლივად ჯდომის ან დგომისაგან თავის შეკავება;
  • მოსვენების შემთხვევაში ფეხების შემაღლებულ ადგილზე მოთავსებას ან ხანგრძლივი ჯდომის შემთხვევაში ტერფის ვარჯიშების განხორციელებას;
  • მოერიდეთ გადაჯვარედინებული ფეხებით ჯდომას;
  • მაღალქუსლიანი ან ბრტყელძირიანი ფეხსაცმლის, ასევე მჭიდრო ტანსაცმლის გამოყენებას.

ვენოაქტიური მედიკამენტები ყველაზე ხშირად გამოსაყენებელი მეთოდია ქრონიკული ვენური დაავადების მართვისათვის.

ვენოაქტიური მედიკამეტები რეკომენდებულია ქვდ-ის ნებისმიერ სტადიაზე სიმპტომების შესამცირებლად კომპრესიულ თერაპიასთან ერთად (კომპრესიული ტრიკოტაჟი - სპეციალური წინდები, რომლებიც სპეციალისტმა ინდივიდუალურად, ვენების გამოკვლევის შემდეგ უნდა შეურჩიოს პაციენტს) ან მის გარეშე, მაგალითად, ცხელ სეზონზე.

- ქირურგიულ მკურნალობას როდის მიმართავენ?
- სისხლძარღვთა ქირურგის არსენალში მკურნალობის სხვადასხვა მეთოდია. ეს შეიძლება იყოს როგორც ტრადიციული, ისე მცირეინვაზიური ჩარევა. ცხადია, ყველა მეთოდს თავისი ჩვენება და ნაკლოვანება აქვს. ოპერაციული მკურნალობა ნაჩვენებია მაშინ, როდესაც კონსერვატიული მკურნალობა და ცხოვრების წესის შეცლა უშედეგოა.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
მხედველობის ჯანმრთელობისთვის-30აბი
ფასი: 44.9
მხედველობის ჯანმრთელობისთვის -60 აბი
ფასი: 39.9
დიაბეტური ვიტამინი+ომეგა 3 -28 აბი
ფასი: 55.9
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
დიეტოლოგია
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
ჟურნალში Neurology გამოქვეყნდა ახალი კვლევის შედეგები, რომელთა თანახმადაც,_ ტრანსცხიმების ხშირად გამოყენება (მაგალითად კარტოფილი-ფრის)
კატეგორიის სხვა სტატიები
თანამედროვე ცხოვრების გადატვირთული გრაფიკის პარალელურად, აქტუალურ საკითხად რჩება
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
დიეტა ვარიკოზის დროს - გულისხმობს საკვები რაციონის ბოსტნეულითა და ხილით მაქსიმალურად გაჯერებას და შებოლილი
ვენების დაავადებები საზოგადოების არა მხოლოდ სამედიცინო, არამედ სოციალურ-ეკონომიკური
სისხლძარღვების პათოლოგიები შრომისუნარიანი ასაკის ადამიანთა ინვალიდობის, უკიდურეს შემთხვევაში კი სიკვდილის გამომწვევი ერთ-ერთი საყურადღებო მიზეზია.
ექიმ კომოროვსკის რეკომენდაციებიდან გთავაზობთ ვარიკოზის საპროფილაქტიკო რამდენიმე რჩევას.
ხველის მკურნალობა არა მარტო მედიკამენტებით, არამედ ალტერნატიული საშუალებებითაცაა შესაძლებელი,
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
ტვინის სისხლძარღვების გაწმენდა უმნიშვნელოვანესი პროცედურაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად