ექიმ კომოროვსკის რჩევები ვარიკოზის საპროფილაქტიკოდ
კონკრეტულად, რა არის აუცილებელი:
1) წონის კონტროლი და სწორი კვება;
სიმსუქნე - რეალური რისკფაქტორია, დიეტა - რეალური გზა მდგომარეობის გასაუმჯობესებლად. ჯანსაღი ცხიმები + რთული ნახშირწყლები + საკმარისი რაოდენობით ცილა + ნაკლები მარილი, მეტი კალიუმი და უჯრედისი;
2) წყლის სმის კონტროლი;
წყლის დეფიციტი იწვევს სისხლის გასქელებას, ეს უკანასკნელი ვენური სისხლის მიმოქცევის დარღვევას და თრომბების წარმოქმნას;
3) მოწევაზე უარის თქმა;
4) ხანგრძლივად დგომის ან ჯდომის მაქსიმალურად არიდება;
თუ ვერ ახერხებთ ამის არიდებას, აუცილებლად უნდა ცვალოთ სხეულის პოზიცია, გაიზმოროთ, დაისრისოთ კუნთები, შეასრულოთ სხვადასხვა მოძრაობა ფეხებით, წამოდგეთ და გადადგათ რამდენიმე ნაბიჯი, ერთი სიტყვით _ პერიოდულად ამოძრავდეთ!
5) ვარჯიში;
იდეალური ვარჯიშია _ სიარული;
საუკეთესო _ ცურვა და ველოსიპედით სეირნობა;
მნიშვნელოვანი იოგა – ყველა პოზა, რომელთა დროსაც ფეხები გულის დონეზე მაღლაა.
6) ფეხების მოთავსება "გულის დონეზე მაღლა" დღეში სამჯერ 15 წუთით;
7) მაღალ ქუსლებზე უარის თქმა;
8) უარი ისეთი ტანსაცმლის გამოყენებაზე, რომელიც საზარდულისა და შორისის არეში სისხლძარღვებზე ზეწოლას იწვევს;
9) კომპრესიული მაღალყელიანი წინდების ან წელწინდის გამოყენება;
კომპრესიის ინტენსივობა უნდა შეათანხმოთ ექიმთან;
10) სპეციალური რეკომენდაცია ორსულთათვის - ძილი მარცხენა მხარეს;
გადიდებული საშვილოსნო აწვება ერთ-ერთ მსხვილ ვენას, ანატომიური თავისებურებებიდან გამომდინარე მარცხენა გვერდზე წოლისას ეს ზეწოლა მცირდება.
თინათინ გოცაძე