6 ცხიმიანი პროდუქტი, რომლებიც აუცილებლად უნდა მიირთვათ
რომლებიც ყველამ უნდა მიიღოს, მათაც კი, ვისაც სიმსუქნე აწუხებს. დიეტოლოგები ირწმუნებიან, რომ ამ პროდუქტებში შემავალი ცხიმები მეტად სასარგებლოა ორგანიზმისთვის და რაციონალურად გამოყენების შემთხვევაში სხეულის მასის მატებაზე არ მოქმედებს.
სიაში პირველ ადგილზეა - კვერცხი - რომლის გულიც მდიდარია ორგანიზმისათვის უსაფრთხო ქოლესტერინით.
მეორეზე - ავოკადო - მასში შემავალი კალიუმი და ოლეინის მჟავა ეხმარება გულის ნორმალურ ფუნქციობას.
მესამეზე - ყველი - რომელიც, საზოგადოდ, კალციუმის, ფოსფორისა და B12 ვიტამინის უნივერსალური წყაროა. ჩამოთვლილი ნივთიერებები კი უპირველესად მნიშვნელოვანია ძვლების სიმტკიცისა და ოსტეოპოროზის პროფილაქტიკისათვის.
მეოთხეზე - შავი შოკოლადი - ამ პროდუქტში დიდი რაოდენობითაა წარმოდგენილი რკინა, მაგნიუმი, სპილენძი და მანგანუმი. აღნიშნულ ელემენტთა ნორმალურ შემცველობაზე კი დამოკიდებულია ტვინისა და გულის ფუნქციობა.
მეხუთეზე - ზეითუნის ზეთი (პირველი გაწურვის). მას გააჩნია ანთების საწინააღმდეგო მოქმედება, ეხმარება კოლაგენის გამომუშავებას, განსაზღვრავს კანის ელასტიკურობას და აქვეითებს არტერიულ წნევას.
მეექვსეზე - ცხიმიანი თევზი - კერძოდ, ორაგული, კალმახი, სკუმბრია, სარდინი და ქაშაყი. თევზის მოყვარულები (ვინც კვირაში, სულ მცირე, ორჯერ მაინც ჭამს მითითებულ სახეობებს) დაცულნი არიან დეპრესიის, მოხუცებულთა ჭკუასუსტობისა (დემენციის) და გულ-სისხლძარღვთა სისტემის დაავადებათა განვითარებისაგან.