ალერგია სიცივეზე - მკურნალი.გე

რუბრიკები

ოჯახის მკურნალის ანონსი

ოქტომბერი 2020

კითხვა-პასუხი

ალერგია სიცივეზე

ალერგია სიცივეზე
ატმოსფერული ტემპერატურის შემცირებასთან ერთად,ადამიანთა ერთ ნაწილს ალერგიული სიმპტომები უვითარდება. ეს ნიშნებია - კანის შეწითლება (ჰიპერემია) და გაუხეშება, რასაც ქავილის ან ჭიანჭველების ცოცვის შეგრძნება ერთვის; კანი უხშირესად შრება და იფიტება, ზედაპირი ხორკლიანი უხდება, ზოგჯერ ჩნდება შეშუპება ან მცირე ზომის გამონაყარი, ვითარდება ხელის მტევნის წვრილი სახსრების ანთება და შესივება, რასაც შემაწუხებელი ტკივილი ახლავს. ჩამოთვლილი და ზოგიერთი სხვაც - სიცივეზე ალერგიის მანიშნებელია.

ალერგია არის სახეშეცვლილი, გაუკუღმართებული მგრძნობელობა, რომელიც ცხოველური, მცენარეული ან ხელოვნური ალერგენის გარდა, ფიზიკური ფაქტორების მიმართაც შეიძლება განვითარდეს. ხშირ შემთხვევაში ალერგიული რეაქციის გამომწვევად
სიცივე გვევლინება. მისი ზემოქმედებით ორგანიზმში არსებული ზოგიერთი ნივთიერება ცვლილებას განიცდის, სახეშეცვლილი კი ორგანიზმისათვის უცხო ნივთიერებად აღიქმება, სხვაგვარად რომ ვთქვათ, აუტოალერგენად გარდაიქმნება.

ორგანიზმი მათ მიმართ ე.წ. გამანეიტრალებელ ანტისხეულებს გამოიმუშავებს, ანტისხეულების ალერგენთან ურთიერთქმედების შედეგად კი სხვადასხვა ბიოლოგიურად აქტიური ნივთიერება გამოიყოფა. ეს ნივთიერებები ზრდის კაპილარების განვლადობას, აღწევს მათ
კედლებში, ლაგდება ქსოვილებში, სათავეს უდებს ანთებით პროცესებს, აღიზიანებს რეცეპტორებს (მაღალმგრძნობიარე წარმონაქმნებს) და ტკივილის შეგრძნებას იწვევს.

სახსრებში მტვრევის შეგრძნება, წვრილი სახსრების შესივება, ლოკალური (ადგილობრივი) შეშუპება, როგორც წესი, ვითარდება სიცივესთან ექსპოზიციის შემდეგ - ცივ ამინდში, ცივ წყალთან, ცივ საგანთან შეხების შედეგად.

არის შემთხვევები, როდესაც სიცივეზე ალერგია ადამიანებს გრიპის, პარაგრიპის ან სხვა ვირუსული დაავადების გადატანის შემდეგ უვითარდებათ. ოდესღაც ჯანმრთელ, სრულიად არაალერგიულ პიროვნებას, მას შემდეგ, რაც გაზაფხულზე ან ზაფხულში ინფექციურ პათოლოგიას გადაიტანს, ზამთარში მოულოდნელად სიცივისადმი მომატებული მგრძნობელობა გამოუვლინდება ხოლმე. ამის პირველი სიმპტომი ზოგიერთი ორგანოს ქრონიკული დაავადების გამწვავებაც შეიძლება იყოს.

საინტერესო ის არის, რომ სიცივის მიმართ ალერგიული ადამიანები სრულებითაც არ არიან მცივანები. სიცივისა თუ გაყინვის შეგრძნება მათ სხვებზე ძლიერ სრულებითაც არ აქვთ გამოხატული; ამის გამოა, რომ სიცივესთან ურთიერთობას არ ერიდებიან, მერე კი ალერგიული რეაქციის შედეგებით იტანჯებიან.

უნდა ითქვას ისიც, რომ იდიოსინკრაზია - მეტისმეტი, ავადმყოფური მგრძნობელობა ამა თუ იმ საკვების ან სამკურნალო პრეპარატისადმი - ზოგიერთს სწორედ ზამთრის პერიოდში უვითარდება. ამის მიზეზი ისევ და ისევ სიცივის გავლენით ორგანიზმში მიმდინარე ძვრებია. ნუ გაგიკვირდებათ, თუ ერთი და იგივე ნივთიერება, ესა თუ ის სუნი ან გემო წელიწადის სხვადასხვა დროს თქვენზე სხვადასხვაგვარად მოქმედებს. მართალია, სიცივეზე ალერგია მეტწილად იდიოპათიურია (გარკვეულ მიზეზებთან დაუკავშირებელი), მაგრამ ზოგიერთი მიიჩნევს, რომ მოზრდილებთან ის შესაძლოა ორგანიზმში სიცივის აგლუტინინების არსებობისა და სიცივის პაროქსიზმული ჰემოლიზის ბრალი იყოს. ჰემოლიზი ერითროციტების დაშლის პროცესია, რომლის შედეგად ჰემოგლობინი გამოიყოფა. ვარაუდობენ, რომ სიცივის ზემოქმედებით ზოგჯერ იცვლება ერითროციტების რეზისტენტობა (გამძლეობა) და ჰემოლიზი ვითარდება, დაშლილი ერითროციტების ცალკეული ნაწილაკები კი ალერგენებად ევლინება ორგანიზმის იმუნურ სისტემას და შესაბამის რეაქციებს იწვევს.

გახსოვდეთ, სიცივეზე ალერგიის დროს თვითმკურნალობა, მით უფრო ცხელი აბაზანების, საფენებისა თუ სათბურების გამოყენება, არასდიდებით არ შეიძლება! ყოველნაირად უნდა მოერიდოთ სიცივეს, თავი შეიკავოთ ცივ წყალში რეცხვისა და ცივი წყლით ხელების დაბანისაგან; ეცადეთ, დიდხანს არ დარჩეთ სიცივეში და, რაც მთავარია, აუცილებლად მიაკითხეთ ექიმ-ალერგოლოგს, რომელიც შეაფასებს თქვენს მდგომარეობას და სათანადო მკურნალობას დაგინიშნავთ.

რამდენიმე რჩევა:

  • წყალთან ყოველი შეხების შემდეგ აუცილებელია ხელებზე დამცავი კრემი გადაისვათ. განსაკუთრებით მოგიხდებათ კრემები, რომლებიც ქოქოსის ზეთს ან ქაცვის ექსტრაქტს შეიცავს. პირველი კარგად შეიწოვება, საუკეთესო მკვებავია და ხელებზე დიდხანს რჩება; რაც შეეხება ქაცვის ზეთსა და ექსრაქტს, ისინი დიდი რაოდენობით შეიცავს C ვიტამინს, რომელიც კარგად აშუშებს კანის გამოშრობა-გამოფიტვის შედეგად განვითარებულ მიკროტრავმებსა და წვრილ ნახეთქებს;
  • ხელებზე ხორკლი იმის ნიშანია, რომ კანი შველას გთხოვთ. ახალმოხარშული კარტოფილისა და რძისაგან გააკეთეთ პიურე, წაისვით ხელებზე და ენერგიულად შეიზილეთ. 10 წუთის შემდეგ ხელები თბილი წყლით დაიბანეთ და დამატენიანებელი კრემი წაისვით. პროცედურა კვირაში სამჯერ გაიმეორეთ.
გააკეთეთ კომენტარი
კომენტარი არ გაკეთებულა
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
გლობალურად თამბაქოს მომხმარებელთა რაოდენობა დაახლოებით 1 მილიარდია, ამის შესახებ მსოფლიო ჯანდაცვის ორგანიზაციის სტატისტიკაში არის საუბარი. სხვადასხვა შეფასების თანახმად, 2025 წლისთვის მწეველთა რიცხვი უცვლელი იქნება.
სხვადასხვა ზომისა და ფორმის ლაქები – ღია ყვითელი, მუქი ყავისფერი ან რუხი, სახის კანზე ქალებს ნებისმიერ ასაკში უჩნდებათ.
XXI საუკუნის ეპიდემია - ასე უწოდა ჯანმრთელობის მსოფლიო ორგანიზაციამ ალერგიას,
მენსტრუაციისწინა სინდრომი სხვადასხვა ასაკის ქალების საკმაოდ გავრცელებული პათოლოგიაა. სიმპტომებმა განსაკუთრებული სიმძაფრე შეიძლება შეიძინონ ე.წ. გარდამავალ პერიოდში.
ცხოვრება და თავის გატანა ფიზიკური შრომით მიწევს. წლები კი ყოველთვის თავის კვალს აჩნევს ფიზიკურ ამტანობას, მეც ასე დამემართა.
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად