აფეთქების შედეგად დაშავებულ ბავშვს ყოველ საათში კვლევები უტარდება - გოგონა კრიტიკული მედიცინის ცენტრში რჩება

დიდ დიღომში მომხდარი აფეთქების შედეგად დაშავებული ბავშვის მდგომარეობა, რომელიც იაშვილის სახელობის ბავშვთა კლინიკის კრიტიკული მედიცინის დეპარტამენტში რჩება, გაუმჯობესებული და სტაბილურია.

როგორც „ინტერპრესნიუსს“ იაშვილის კლინიკიდან აცნობეს, 4 წლისა და 6 თვის გოგონამ, რომელიც მკურნალობას რეანიმაციაში განაგრძობს, ბევრი სისხლი დაკარგა და ოპერაციისა და ნარკოზის შემდეგ მისი მდგომარეობა საშუალო სიმძიმისაა, თუმცა ბავშვის ცნობიერება აღდგენილია და ის უკვე კონტაქტურია. კრიტიკული მედიცინის დეპარტამენტში მას მონიტორინგი - ყოველ საათში კვლევები უტარდება.

16 იანვარს, დიდ დიღომში, საცხოვრებელ კორპუსში მომხდარი აფეთქების შედეგად 4 ადამიანი გარდაიცვალა, აქედან ერთი მცირეწლოვანი ბავშვია. დაშავდა 8 ადამიანი, თუმცა, ისინი კლინიკებიდან უკვე გაწერეს და ამ დროისთვის იაშვილის საავადმყოფოში მხოლოდ ერთი ბავშვი განაგრძობს მკურნალობას.