სტომატოლოგიური სავარძელი პაციენტის შიშს იგრძნობს
აუცილებლობამდე დებს. მაგრამ სამედიცინო ტექნიკა ერთ ადგილზე არ ჩერდება და ისე ვითარდება, რომ ადამიანის მკურნალობა უპრობლემო და უმტკივნეულო გახდეს. მაგალითად, შესაძლებელია მან იგრძნოს ჩვენი შიში და დაძაბულობა.
კოლუმბიის უნივერსიტეტის სტომატოლოგიის ცენტრის პაციენტები იღებენ სამაჯურს RFID-ით, რომელიც მთელი ვიზიტის განმავლობაში მათი იდენტიფიციტრების საშუალებას იძლევა. ეს სანიშნე ასევე აფიქსირებს პაციენტის ადგილმდებარეობას და როგორ და რამდენჯერ იყო გამოყენებული სტომატოლოგიური ინსტრუმენტები. ცენტრში სტომატოლოგიური სავარძლები ზომავს ასევე პაციენტის პულსსა და სისხლში ჟანგბადის დონეს, აანალიზებს სტრესის დონეს.
პაციენტს აღარ სჭირდება ტკვილის ექიმისთვის შეტყობინება. ინფორმაცია თავად გადაეცემა ექიმს. სავარძელში ასევე დამონტაჟებულია კამერები, რომლებიც იწერენ პროცედურას შემდგომი ანალიზისთვის. შესაძლებელია მომავალში იგი სახის ამოცნობის ალგორითმით აღიჭურვოს, რომელიც ასევე ტკივილისა და სტრესის დონეს განსაზღვრავს.
უნივერსიტეტის ექიმები იმედოვნებენ, რომ ადამიანის სტომატოლოგთან თითოეული ვიზიტი ნაკლებად შემაწუხებელი იქნება. ეს ტექნიკა სტომატოლოგიური პროცედურების სტანდარტიზაციის შესაძლებლობასაც იძლევა. პირის ღრუში მიმდინარე პროცესების დანახვა ძნელია და შესაბამისად თანმიმდევრული სურათის შედგენაც რთულია. ახალი მონაცემებით კი შესაძლებელი იქნება პაციენტის კბილის მდგომარეობის ზოგად ჯანმრთელობასთან დაკავშირება და კიბოს, დიაბეტის ან გულის დაავადებების პირველი ნიშნების უფრო სწრაფად აღმოჩენა.
ლალი ჩხიკვაძე