რუბრიკები
ოჯახის მკურნალის ანონსი
ივნისი 2018
კითხვა-პასუხი
ჯანმოს მონაცემებით, საქართველოს ჰაერის ხარისხის დონე აღმოსავლეთ ევროპული ქვეყნების საშუალო მაჩვენებლის ტოლია
ჯანმოს მონაცემებით, საქართველოს ჰაერის ხარისხის დონე აღმოსავლეთ ევროპული ქვეყნების საშუალო მაჩვენებლის ტოლია
ჯანმრთელობის მსოფლიო ორგანიზაციის მონაცემებით, საქართველოს ჰაერის ხარისხის დონე აღმოსავლეთ ევროპული ქვეყნების საშუალო მაჩვენებლის ტოლია, - ამის შესახებ ინფორმაციას გარემოს დაცვისა და სოფლის მეურნეობის სამინისტროს გარემოს ეროვნული სააგენტო ავრცელებს.

მათივე ცნობით, ჯანმრთელობის მსოფლიო ორგანიზაციამ (WHO) ატმოსფერული ჰაერის ხარისხის მსოფლიო რუკა განაახლა, რომელზეც თვალნათლივ ჩანს, რომ საქართველოს ჰაერის ხარისხის დონე აღმოსავლეთ ევროპული ქვეყნების საშუალო მაჩვენებლის ტოლია.

ინფორმაციაში აღნიშნულია, რომ ქვეყნის ტერიტორიის უმეტეს ნაწილში უმცირესი ზომის მყარი ნაწილაკების (PM 2,5) კონცენტრაცია მოქმედი ევროპული ნორმის ფარგლებშია (ევროპული სტანდარტი არის 25 მკგ/მ3) და იგი ერთ
კუბურ მეტრ ჰაერში 16-დან 25 მიკროგრამამდე მერყეობს. ქვეყნის ფონურ დაბინძურებასთან შედარებით გადაჭარბებული მაჩვენებელია ქ. თბილისში, სადაც კონცენტრაცია 26-დან 35 მკგ/მ3-ის ფარგლებშია.

გარემოს დაცვისა და სოფლის მეურნეობის სამინისტროს გარემოს ეროვნული სააგენტოს მიერ გავრცელებულ ინფორმაციაში ასევე ნათქვამია, რომ საქართველოზე მაღალი დაბინძურების მაჩვენებელი ფიქსირდება ევროკავშირის რიგ ქვეყნებსა (პოლონეთი,
იტალია, ბულგარეთი) და აზიისა და აფრიკის უმეტეს ტერიტორიაზე, მათ შორის, ევროკავშირის წევრი ქვეყნების ცალკეულ ქალაქებში (მაგალითად - კრაკოვი) ატმოსფერული ჰაერის დაბინძურების მაჩვენებელი ქ. თბილისზე მაღალია.

„ჯანმრთელობის მსოფლიო ორგანიზაციის რუკა ეფუძნება ქვეყნების მიერ მიწოდებული ჰაერის ხარისხის მონიტორინგის სადგურების გაზომვების შედეგებსა და სატელიტური დაკვირვების მონაცემებს. საქართველოს შემთხვევაში გამოყენებულია აბასთუმანში მდებარე ქვეყნის ატმოსფერული ჰაერის ფონური დაბინძურების მონიტორინგისა და თბილისის ფონური დაბინძურების მონიტორინგის სადგურების გაზომვების შედეგები. ატმოსფერული ჰაერის ხარისხის შესახებ ინფორმაციის მოცულობისა და სანდოობის გაზრდის მიზნით უმნიშვნელოვანესია მონიტორინგის ქსელის განვითარება. ამ კუთხით ბოლო წლებში საქართველოში მნიშვნელოვანი წინსვლაა. კერძოდ, 2015 წელთან შედარებით, როცა ქვეყანაში მხოლოდ ერთი ავტომატური სადგური ფუნქციონირებდა, 2018 წელს საქართველოს ჰაერის ხარისხის მონიტორინგის ქსელი 7 სტაციონარული და 1 მობილური ავტომატური სადგურისგან შედგება. რეგულარულად ხორციელდება ასევე საქართველოს მთელ ტერიტორიაზე ატმოსფერული ჰაერის დაბინძურების ინდიკატორული გაზომვები. მიმდინარე წელს იგეგმება ატმოსფერულ ჰაერზე დაკვირვების ქსელის კიდევ უფრო გაფართოება, რაც სათანადო ღონისძიებების დაგეგმვისა და განხორციელების საშუალებას მისცემს სამინისტროს,“ - ნათქვამია ინფორმაციაში.
თარიღი : 04-05-2018
მ.ა.
საქართველოს მოსახლეობის ნახევარი რომ სწორედ თბილისში ცხოვრობს, სადაც უმცირესი ზომის მყარი ნაწილაკების (PM 2,5) კონცენტრაცია 26-დან 35 მკგ/მ3-ის ფარგლებშია და მნიშვნელოვნად აღემატება ევროპულ ნორმას (25 მკგ/მ3), პრობლემა სწორედ ამაშია. ის ფაქტი, რომ "ქვეყნის ტერიტორიის უმეტეს ნაწილში უმცირესი ზომის მყარი ნაწილაკების (PM 2,5) კონცენტრაცია მოქმედი ევროპული ნორმის ფარგლებშია" არ არის დამამშვიდებელი. უმცირესი ზომის ნაწილაკები ერთ-ერთი ყველაზე მომაკვდინებელი დამაბინძურებელია.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მსგავსი სიახლეები
შაქრიანი დიაბეტი საქართველოშიც სერიოზული მედიკო-სოციალური პრობლემაა.
05-02-2018
საქართველოს მთავრობის გადაწყვეტილებით, 3 თვის განმავლობაში თურქეთიდან საქართველოში კარტოფილის შემოტანა
19-03-2018
გუდაურის საბაგიროზე მომხდარი შემთხვევის შედეგად დაშავებულია უკრაინის 4 მოქალაქე, შვედეთის - 1, რუსეთის - 2 და საქართველოს - 1
16-03-2018
ამ კატეგორიის სხვა სტატიები
გარემოს დაცვისა და სოფლის მეურნეობის სამინისტროს გარემოს ეროვნული სააგენტოს მეთევზეობისა და შავი ზღვის მონიტორინგის
ხმელთაშუაზღვის დიეტა საბერძნეთში, იტალიაში, ესპანეთში და ხმელთაშუაზღვის აუზის სხვა ქვეყნებში
თბილისში პოლიეთილენის ბოთლების შემგროვებელი აპარატები დამონტაჟდება, - ამის შესახებ თბილისის
გარემოს დაცვისა და სოფლის მეურნეობის სამინისტროს გარემოს ეროვნული სააგენტოს სპეციალისტები, თბილისის
დიუკის უნივერსიტეტის მკვლევარების დასკვნით, გამონაბოლქვის შემცირებისა და კლიმატის ცვლილებების
საქართველოს გარემოს ეროვნული სააგენტოს ჰიდრომეტეოროლოგიური პროგნოზების ცენტრის ხელმძღვანელის
19 ივნისი 2018
სპეციალისტებმა დაადგინეს, რომ ხმელთაშუაზღვის დიეტის წესების დაცვით მომზადებული კვირაში მხოლოდ სამი
19 ივნისი 2018
აშშ-ის მკვლევარება ოჯახურ ურთიერთობებზე თანამედროვე ტექნოლოგიების გავლენა შეისწავლეს. აღმოჩნდა, რომ
კალიფორნიის სააპელაციო სასამართლომ უკურნებელი სენით დაავადებულთა მიმართ ევთანაზიის გამოყენება დაუშვა.
დაავადებათა კონტროლის ცენტრის სამეცნიერო საბჭოს თავმჯდომარე მოსახლეობას წითელას აცრის გაკეთებისკენ მოუწოდებს.
ამერიკელი სპეციალისტები დარწმუნებულები არიან, რომ კვების დროის შეღუდვა ზედმეტი წონის დაკლებისა და არტერიული წნევის