როგორ შევარჩიოთ სამზარეულოს დანა
დიასახლისს რამოდენიმე სპეციალური დანა სჭირდება.
ყველაზე მთავარი პროდუქტი პურია. მისთვის საჭიროა ტალღისებური პირიანი დანა, ამასთან დანის წვერი არ უნდა იყოს წვეტიანი. პურის დანის მჭრელი ზედაპირის სიგანე არ უნდა იცვლებოდეს დანის ტარიდან ბოლოსაკენ. ეს დანა ასევე გამოგადგებათ ნამცხვრისა და ტორტის დასაჭრელად.
ხორცი რაციონის ასევე მნიშვნელოვანი ნაწილია. ზოგჯერ რთულია ძვლების მოშორება. ამ მიზნისთვის საჭიროა ვიწრო, არც თუ ისე გრძელი დანა, რათა ხორცი არ მიეწებოს, ტართან განიერი მჭრელი პირით, რომელიც ბოლოსკენ ვიწროვდება. კბილანებიანი მჭრელ ზედაპირი ხორცის საჭრელ დანას არ უნდა ჰქონდეს.
ხილისთვის სპეციალური დანები არსებობს, რომელიც წარმოადგენს მოკლე, სწორ მჭრელ, ბოლოსკენ წაწვეტებულ დანის პირს, რომელსაც დიდი და მოხერხებული ტარი აქვს.
თევზისთვის დანა უნდა იყოს თხელი და ძალიან გრძელი, პროდუქტის იდეალურად თხელ ნაჭრებად დასაჭრელად.
არსებობს ცალკე დანები ყველის, კარაქის, ლორის და ა.შ. დასაჭრელად. კარგი იქნება თუ შეიძენთ 45, 40 და 30 სმ სიგრძის, ე.წ. დანების საბაზისო ნაკრებს.
ნებისმიერი დანის ასარჩევად, იქნება ეს ხორცის თუ ლიმონის დასაჭრელად, ყურადღება მიაქციეთ მასალას, რისგანაც არის ის დამზადებული.
უმჯობესია თუ შევარჩევთ ხის ტარიან დანას. პლასტმასთან შედარებით ის უფრო მყარი მასალაა, ხოლო ლითონთან შედარებით უფრო მსუბუქი.
დანის პირი უნდა იყოს უჟანგავი ლითონის. კერამიკული პირი არასოდეს ბლაგვდება და გამოირჩევა სიმაგრით.
დანა ის ინსტრუმენტი არ არის, რომელზედაც ეკონომია შესაძლებელია, ამიტომ შეიძინეთ საიმედო, ხარისხიანი დანები, რომლებიც დიდ ხანს გემსახურებათ და არაერთხელ დაგეხმარებათ სამზარულოში.