რა საფრთხეს გვიქმნის ანტიბიოტიკები
ალერგიულ რეაქციათა რისკს მნიშვნელოვნად ზრდის. კვლევის ფარგლებში მათ 1966 წლიდან 2015 წლამდე ჩატარებული 22 შრომის ანალიზი ჩაატარეს. დასახელებული შრომები ეძღვნებოდა ანტიბიოტიკების მიღებას სიცოცხლის პირველი ორი წლის განმავლობაში და მათ გავლენას შემდგომ დერმატიტისა და ჭინჭრის ციების გამოვლენაზე.
დაავადებათა აღმოცენების რისკის შესასწავლად მეცნიერებმა გამოარჩიეს დერმატიტის მქონე 395 ათასი პაციენტი და 257 ათასი პირი, რომელსაც ჭინჭრის ციება განუვითარდა. 65 ათას გამოკვლეულს ორივე პრობლემა ჰქონდა ანამნეზში.
ცალკეულ მონაცემებზე დაყრდნობით დადგინდა, რომ დერმატიტის განვითარების რისკი ადრეულ ასაკში ანტიბიოტიკების მიღების გამო 15-დან 41 % -ს შეადგენს, ხოლო ჭინჭრის ციების განვითარების რისკი 14-დან 56 %-მდე იმატებს ანტიბიოტიკების მოხმარების შემთხვევაში.
ალერგიულ დაავადებათა აღმოცენების მთავარი მიზეზი ანტიბიოტიკების ზეგავლენით ნაწლავის მიკროფლორის განადგურებაა, რაც შედეგად იმუნური სისტემის დათრგუნვას და ალერგიულ რეაქციათა განვითარებას განაპირობებს.
თინათინ გოცაძე