ალცჰაიმერის დაავადება შესაძლოა სოკოთი იყოს გამოწვეული
ეს ჰიპოთეზა მას შემდეგ გამოითქვა, რაც ალცჰაიმერის დაავადების მქონე 11 გარდაცვლილს თავის ტვინსა და სისხლში სოკოს უჯრედები და გვერდითი პროდუქტები აღმოუჩინეს. გამოკვლეულ იქნენ ამ დაავადების არმქონე პირებიც - მათთან ინფექციის კვალი ვერ იპოვეს.
ადრინდელმა კვლევებმა ვირუსული და ბაქტერიული გენეტიკური მასალა გამოავლინა, ამიტომ მეცნიერთა ნაწილმა ივარაუდა, რომ დაავადება ჰერპესისა და პნევმონიის გამომწვევი მიკრობების აქტიურობის შედეგია. ტრადიციისამებრ, მის მაპროვოცირებელ ფაქტორად წებოვანი ცილის ანომალიური ჩანართები მიაჩნდათ, თუმცა ამ ჩანართებზე დამიზნებული პრეპარატების გამოცდამ შედეგი ვერ გამოიღო.
უკანასკნელი კვლევის დროს რამდენიმე ტიპის სოკოს კვალი იქნა აღმოჩენილი. ეს ხსნის სიმპტომების სხვადასხვაობას და თავად სიმპტომებს - იმუნიტეტის აგრესიულ რეაქციას, თუმცა არ არის გამორიცხული, სოკოვანი ინფექცია ალცჰაიმერის დაავადების პირობებში განვითარებული იმუნიტეტის დაქვეითების შედეგი იყოს.