რატომ უყვარს მამაკაცს თვალებით
ქალი მამაკაცისთვის დედის ხატებასთან ასოცირდება, რომლის შექებასა და წახალისებას მისთვის დიდი მნიშვნელობა ჰქონდა. ამიტომ, წარმატების მიღწევისას, მამაკაცი მთელი ცხოვრება გრძნობს ქალის შექების აუცილებლობას.
ამავდროულად, კაცს ეშინია ლამაზი ქალების, რადგან ფიქრობს, რომ ქალი უარყოფს მის თაყვანისცემას და დასცინებს. ამიტომ ბევრი მამაკაცი წინააღმდეგია იმისა, რომ ქალი მიმზიდველი და ლამაზი იყოს, ჩაიცვას ეფექტური ტანსაცმელი და გაიკეთოს მკვეთრი მაკიაჟი.
მამაკაცები “უბრალო” ქალების თაყვანისცემას ამჯობინებენ. შეიძლება ამიტომაცაა, რომ ლამაზი, მიმზიდველი, თანამედროვე ქალი ხშირად მარტო რჩება. ქალის თანაგრძნობა კი კაცს მეტ თავდაჯერებულობას ანიჭებს და შეიძლება მასთან დასაახლოებელი პირველი ნაბიჯიც კი გადადგას.
ქალის ნაკვთები და მისი სხეულის უზადო ფორმები მხოლოდ 50%-ით თუ განსაზღვრავს ქალის მიმზიდველობას, დანარჩენი მის სურვილზეა დამოკიდებული, იყოს ლამაზი და მამაკაცისთვის სასურველი.
ზოგიერთ მამაკაცს ავიწყდება, რომ ქალებს სიყვარული უნდათ. ხშირად ისინი ინსტინქტებით მოქმედებენ და ქალს მხოლოდ გასართობ ობიექტად აღიქვამენ. ყველა კაცს გულით შეყვარება რომ შეეძლოს, სამყაროში ცალმხრივი სიყვარული არ იარსებებდა.
მამაკაცებს თვალებით თავისებურად უყვართ. თუ ზოგს ქალის მინიატურული ფორმები ხიბლავს, სხვები სრულ ქალებს ამჯობინებენ. ზოგს ახალგაზრდა გოგონები მოსწონს, სხვებს კი ბალზაკის ასაკის ქალები.
შავი კოლგოტი და ტანზე მომდგარი ჯინსი ზოგიერთი მამაკაცის აღფრთოვანებას იწვევს, სხვებს კი ეს უხამსობად და ცუდი ტონის მანიშნებლად მიაჩნიათ.
მამაკაცთა გემოვნების მრავალფეროვნება ყველა ქალს აძლევს შანსს, იმ ერთადერთი მამაკაცის ყურადღება მიიპყროს, რომელიც მისი ცხოვრების თანამგზავრი გახდება.