საქართველოში დაახლოებით 15 000 ქალი, ორსულობის პერიოდში ფიზიკური ძალადობის მსხვერპლი გახდა
მიმართ ძალადობის ეროვნული კვლევის ძირითად მიგნებებში ნათქვამია, რომ ორსულობის დროს ფიზიკური ძალადობის მსხვერპლთა 37%-მა განაცხადა, რომ ორსულობის დროს მუცელში მუშტი ან წიხლი ჩაარტყეს.
ამავე კვლევის თანახმად, იმ ქალების 64%-მა რომელმაც ორსულობისას ცემის შესახებ განაცხადა, ამბობს, რომ ცემა იყო ძალადობის მიმდინარე ციკლის ნაწილი, რომელსაც ერთი და იგივე პირი ახორციელებდა. 6%-მა კი აღნიშნა, რომ ძალადობა ორსულობის დროს გამწვავდა.
საქართველოში ქალთა მიმართ ძალადობის ეროვნული კვლევა გაერო-ს ქალთა ორგანიზაციამ, საქართველოს სტატისტიკის ეროვნულმა სამსახურმა და ევროკავშირმა ერთობლივად ჩაატარეს. კვლევის პროცესი 2017 წელს მიმდინარეობდა და იგი რაოდენობრივ და ხარისხობრივ მეთოლოგიებს აერთიანებდა. მთელი ქვეყნის მასშტაბით სულ 15-64 წლის 6 006 ქალი და 15-64 წლის 1 601 კაცი გამოიკითხა. ხარისხობრივი კვლევა კი 47 შეხვედრას მოიცავდა.