რატომ ვერ ორსულდება ზოგიერთი ქალი
ტკივილი მუცლის არეში, მენსტრუალური ციკლის არევა და უნაყოფობა. უნაყოფო ქალების 50%-ს ენდომეტრიოზი აწუხებს.
იმისათვის, რომ ორსულობა დადგეს, საჭიროა კვერცხუჯრედის მომწიფება, რის შემდეგადაც ის ხვდება საშვილოსნოს მილში, სადაც შეიძლება განაყოფიერდეს. კვლევებმა აჩვენა, რომ ქალებში, ვისაც ენდომეტრიოზი ჰქონდათ, კვერცხუჯრედები აღმოჩნდა არასასურველ გარემოში, რაც ფერტილობას აქვეითებს. კერძოდ, კვერცხუჯრედი ექვემდებარება ფოლიკულური სითხის ზემოქმედებას, რაც მნიშვნელოვნად აქვეითებს კვერცხუჯრედის ხარისხს და ხელს უშლის მის მომწიფებას. ფოლიკულური სითხიდან ჟანგბადის აქტიური ფორმები აზიანებს კვერცხუჯრედის დნმ-ს. შესაძლებელია, ანტიოქსიდანებმა შეძლოს ამასთან გამკლავება, თუმცა მეცნიერების აზრით, ამის დასამტკიცებლად აუცილებელია შემდგომი კვლევები.
ლალი ჩხიკვაძე