ნაწლავთა პერისტალტიკის გასაუმჯობესებელი ვარჯიშები ორსულებისთვის
ფეხები ასწიეთ, ხელები მუხლებზე შემოიჭდეთ. ჩასუნთქვისას ეცადეთ, მუხლები მკერდთან მიიტანოთ, ხოლო ამოსუნთქვისას ფეხები თითქოსდა გატყორცნოთ.
III . ზურგზე დაწექით, ფეხები მუხლებში მოხარეთ, ტერფები იატაკზე დადგით, ხელები თავქვეშ ამოიწყვეთ.
ჩასუნთქვისას მარჯვენა იდაყვი მარცხენა მუხლს შეახეთ, ამოსუნთქვისას დაუშვით. შემდეგ იგივე მოძრაობა შეასრულეთ მეორე ხელ-ფეხით.
IV. ზურგზე დაწექით, ფეხები მუხლებში მოხარეთ, ტერფები იატაკზე დადგით, ხელები ტანის გასწვრივ გაჭიმეთ.
ფეხები იატაკის მიმართ 45 გრადუსით ასწიეთ. შეასრულეთ 10 ”მაკრატელი”.
V. ზურგზე დაწექით, ფეხები მუხლებში მოხარეთ, ტერფები იატაკზე დადგით, ხელები ტანის გასწვრივ გაჭიმეთ.
ფეხები იატაკის მიმართ 45 გრადუსით ასწიეთ. შეასრულეთ 10 ”ველოსიპედი”.
ლამაზად ჯდომა
ცუდ ჩვევად ითვლება ფეხიფეხზე გადადებული ჯდომა. ამ დროს სისხლის მიმოქცევა ფერხდება.
ლამაზად დაჯდომას თავისი წესი აქვს: ზურგით დადექით სკამთან, ცალი ფეხი უკან გასწიეთ, ოდნავ შეახეთ სკამს და მსუბუქად დაჯექით. სხეულის სიმძიმე თანაბრად გაანაწილეთ საჯდომსა და ბარძაყებზე. უნდა იჯდეთ მშვიდად. ულამაზოდ ითვლება მკერდის წინ გამოწევა და თავის უკან გადაგდება. არაბუნებრივად ითვლება მთელი ტანით წინ დახრაც. ამ დროს ისეთ შთაბეჭდილებას ტოვებთ, თითქოს წამოსახტომად ემზადებითო. მოხდენილ პოზად ითვლება მიტყუპებული ფეხების სწორად დადგმა ან ტყუპად გვერდზე გადახრა. შეიძლება ცალი ფეხის ოდნავ წინ გამოწევაც. ფეხების მოძრაობა უნდა იყოს მშვიდი და არა ანაზდეული. მაღალ სკამზე ჯდომისას ეცადეთ, ფეხები არ აქანაოთ.
მიაქციეთ ყურადღება იმასაც, როგორ დგებით. უსიამოვნო შთაბეჭდილებას ტოვებს ადგომისას მუხლებზე ან სავარძლის სახელურზე დაყრდნობა. ადგომისას ნუ მოიშველიებთ ხელებს.
ლამაზად და სწორად ჯდომა შეიძლება მხოლოდ მაგარ სკამზე. სავარძელი და რბილი დივანი მხოლოდ მოსასვენებლად არის მოხერხებული. მათზე ჯდომისას სხეული ვერ იმართება, ჭირს წამოდგომაც, მაგრამ თუ ასეთ ავეჯზე ჯდომა მოგიხდათ, ისარგებლეთ ზემოთ აღწერილი წესით, ჩამოჯექით კიდეზე და შემდეგ მსუბუქად შეიწიეთ შიგნით. ადგომისას შეასრულეთ იგივე მოძრაობა, ოღონდ პირუკუ.
ორსულობა და კოსმეტიკა
ორსულობისას ქალის ორგანიზმში რიგი ცვლილება მიმდინარეობს: ძლიერდება ოფლიანობა, ცხიმის გამოყოფა, სახის კანი უხეშდება, მგრძნობიარე ხდება და ხშირად პიგმენტური ლაქებიც უჩნდება. შავგვრემან ქალებს ლოყებსა და ნიკაპზე ზოგჯერ ბუსუსები ამოსდით. ყოველივე ამან არ უნდა შეგაშინოთ - ეს მოვლენები ჰორმონული ფონის რყევის ბრალია და მოილოგინებთ თუ არა, გაგივლით.
ვენების გაფართოებისას ნუ ჩაიცვამთ რეზინიან წინდებს. ატარეთ მოხერხებული, დაბალქუსლიანი ფეხსაცმელი. ხშირად მიიღეთ შხაპი. პირი შეგრილებული გვირილის ნაყენით (200 გ გვირილა, 1 ლიტრი წყალი) დაიბანეთ.
ორსულობისას არ შეიძლება სახის ეპილაცია, მათეთრებელი კრემების გამოყენება. მათეთრებელი კრემები არც მეძუძურმა ქალებმა უნდა იხმარონ.
მშობიარობის შემდეგ შეგიძლიათ, ექიმის რეკომენდაციის თანახმად დღეში რამდენიმე წუთი დაუთმოთ ვარჯიშს. ამით თავიდან აიცილებთ სიმსუქნეს.