ქალის კუნთები მამაკაცის კუნთებთან შედარებით ნაკლებად იღლება
მონაცემებითაა დაჯილდოებული. ამის მიზეზი ჟანგბადის სწრაფი შთანთქმაა (ზოგადი მდგომარეობისა და კუნთური დაღლილობის რისკის მარკერი). ქალებში კი, სხეულში მიწოდებული ჟანგბადის გადამუშავება 30 პროცენტით უფრო ეფექტურად მიმდინარეობს.
ვატერლოოს უნივერსიტეტის პროფესორის, რიჩარდ ჰიუსონის კგანმარტებით, ქალის კუნთები სისხლიდან ჟანგბადს უფრო სწრაფად გამოყოფს, რაც მეტად სრულყოფილ აერობულ სისტემაზე მეტყველებს. ეს აღმოჩენა 18 ჯანმრთელი, აქტიური მოხალისის მონაწილეობით (9 ქალი და 9 მამაკაცი) ჩატარებული კვლევის შედეგად გაკეთდა. ყველა მოხალისე ასრულებდა ზომიერი ინტენსივობის დავალებას - ბილიკზე სირბილი. ამ დროს მეცნიერები აფასებდნენ გულისცემის სიხშირეს და ქსოვილებში ჟანგბადის შემცველობას, ასევე, ვენურ და არტერიულ სისხლში ჟანგბადის კონცენტრაციათა სხვაობას.
აღმოჩნდა, რომ ვარჯიშის დროს ქალების ორგანიზმი უფრო სწრაფად ამუშავებდა ჟანგბადს, ვიდრე მამაკაცების. ეს კი იმას ნიშნავს, რომ ქალების კუნთები ნაკლებად იღლება.
ლალი ჩხიკვაძე