რამდენიმე მარტივი ვარჯიში იდეალური პრესის მისაღწევად - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რამდენიმე მარტივი ვარჯიში იდეალური პრესის მისაღწევად

ვარჯიში 1

მხრების დონეზე გაშლილი ხელებით მოეჭიდეთ ღერძს. გამართეთ ფეხები, ფეხის წვერებით დაეყრდენით იატაკს. ნელ-ნელა ასწიეთ მუხლებში გამართული ფეხები იატაკის პარალელურად (ანუ 90 გრადუსით მოხარეთ მენჯ-ბარძაყის სახსარში) და ისევ ნელ-ნელა დაუშვით. ვარჯიში გაიმეორეთ 10-ჯერ.

ვარჯიში 2

დაწექით იატაკზე, დაიჭირეთ 3 კგ-იანი ჰანტელები და ასწიეთ ხელები. შემდეგ მუხლებში გამართული ფეხები ნელ-ნელა ასწიეთ იატაკის პერპენდიკულარულად. შემდეგ ოდნავ წამოსწიეთ ტანი, შეეცადეთ, ჰანტელებით შეეხოთ ფეხის წვერებს და ცოტა ხანს ამ მდგომარეობაში გაჩერდეთ. პირველ ცდაზე ეს ვარჯიში არავის გამოსდის, ასე რომ, იმედს ნუ დაკარგავთ, რამდენიმე ცდის შემდეგ აუცილებლად მიაღწევთ მიზანს. გაიმეორეთ 10-ჯერ.

ვარჯიში 3

დაწექით იატაკზე, ფეხები გამართეთ, ხელები გასწიეთ წინ. თავი წამოსწიეთ და იყურეთ პირდაპირ. ამის შემდეგ ოდნავ ასწიეთ ფეხები და გაჩერდით ამ მდგომარეობაში 25 წამს. შემდეგ დაუშვით ფეხები, ხელები კი წინ გაშვერილი დატოვეთ და ამ მდგომარეობაშიც 25 წამს გაჩერდით. დაუშვით ხელები იატაკზე ტანის გასწვრივ და მონაცვლეობით აიქნიეთ ჯერ მარჯვენა ხელი და მარცხენა ფეხი, მერე - მარცხენა ხელი და მარჯვენა ფეხი. გაიმეორეთ 20-ჯერ.

ვარჯიში 4

დაწექით იატაკზე, ხელები სხეულის გასწვრივ დააწყვეთ. ერთდროულად: ასწიეთ გამართული ფეხები იატაკიდან 10 სმ-ზე, ხელები იდაყვებში მოხარეთ, ტანი წამოსწიეთ (როგორც სპრინტერმა) და მარცხენა მუხლი გულმკერდთან მიიტანეთ. დაუბრუნდით საწყის მდგომარეობას, მაგრამ ფეხები არ დაუშვათ. გაიმეორეთ 15-ჯერ.

ვარჯიში 5

დაწექით ზურგზე, გამართული ხელები განზე გაშალეთ, ასწიეთ ფეხები იატაკის პერპენდიკულარულად, შემდეგ ნელ-ნელა დაუშვით მარჯვნივ და თან მიუახლოვეთ მარჯვენა ხელს. ამ ვარჯიშის შესრულების დროს მნიშვნელოვანია, ზურგით მჭიდროდ ეკვროდეთ იატაკს. ამის შემდეგ ფეხები იატაკის პერპენდიკულარულ მდგომარეობაში დააბრუნეთ და ახლა ნელ-ნელა დაუშვით მარცხნივ. გაიმეორეთ 10-10-ჯერ თითოეულ მხარეს.

ვარჯიში 6

ამ ვარჯიშის ჩასატარებლად დაგჭირდებათ 5 კგ-მდე წონის დისკოს ფორმის საგანი. დადექით გამართული, იდაყვებში მოხრილი ხელებით დაიჭირეთ დისკო. მარცხენა ფეხით შეასრულეთ წინ ვარდნა - მარჯვენა მუხლით შეეხეთ იატაკს, მარცხენა ბარძაყი კი იატაკის პარალელურად გააჩერეთ. ტანი შეატრიალეთ მარცხნივ 90 გრადუსით. შემდეგ დაუბრუნდით საწყის მდგომარეობას და იგივე მოძრაობა შეასრულეთ მეორე ფეხით. გაიმეორეთ 15-15-ჯერ თითოეულ მხარეს.

ვარჯიში 7

ამ ვარჯიშის ჩასატარებლად დაგჭირდებათ ორი 3 კგ-იანი ჰანტელი. დაიჭირეთ ჰანტელები და დაჯექით სკამზე ან იატაკზე, ფეხები მუხლებში მოხარეთ. ხელები ასწიეთ მაღლა, კარგად გაჭიმეთ, ოდნავ წამოიწიეთ სკამიდან და შეეცადეთ, ხელები რაც შეიძლება მაღლა ასწიოთ. დაუბრუნდით საწყის მდგომარეობას. გაიმეორეთ 10-ჯერ.

ვარჯიში 8

ამ ვარჯიშის ჩასატარებლად დაგჭირდებათ 2 კგ-იანი სამედიცინო ბურთი. დაიჭირეთ ბურთი ორივე ხელით და მიიტანეთ გულმკერდთან. ფეხები მხრების სიგანეზე დადგით. ფეხები მოხარეთ მუხლებში, ჩაჯექით, შეეცადეთ, ბურთით შეეხოთ მარჯვენა ფეხს, შემდეგ სწრაფად გასწორდით, შებრუნდით მარცხნივ და ბურთი დამხმარეს ესროლეთ. სროლისას ხელები მხრების დონეზე უნდა გქონდეთ. გაიმეორეთ 10-10-ჯერ თითოეულ მხარეს.

თუ ამ მარტივ ვარჯიშებს რეგულარულად შეასრულებთ და სწორადაც იკვებებით, სულ რაღაც 1 თვეში მუცელს განუმეორებელ მიმზიდველობას შესძენთ.