მეცნიერების აზრით, სირბილი ტვინზე მარიხუანას მსგავსად მოქმედებს
სირბილს მარიხუანას მსგავსი ეფექტი აღმოაჩნდა. ცნობილია, რომ მარიხუანა მოქმედებს ტვინში რეცეპტორებზე და ამცირებს ტკივილს. ოქსფორდის უნივერსიტეტის მეცნიერებმა გამოიკვლიეს კანაბინოიდური რეცეპტორები იმ თაგვებში, რომლებსაც გარკვეული მანძილი ჰქონდათ გარბენილი. ადრე თვლიდნენ, რომ მორბენლების ემოციური დონის აწევა დაკავშირებული იყო ბეტა-ენდორფინების (ხშირად მოქმედებს როგორც მორფინი) დონის ზრდასთან. მაგრამ აღმოჩნდა, რომ ბეტა-ენდორფინები საკმაოდ დიდია იმისათვის, რომ ტვინის ჰემატოენცეფალური ბარიერი გადალახოს.
და მაინც, ეიფორია დაკავშირებულია კანაბინოიდურ რეცეპტორებთან, რომლებიც მრავალი პროცესისთვის (მათ შორის მადის მომატება, ტკვივილის შეგრძნება, ხასიათის ცვლილება, მეხსიერება და ტვინის მუშაობა) არის მნიშვნელოვანი.
გამოდის, რომ სირბილი იწვევს როგორც ბეტა-ენდორფინების (ოპიოიდები), ისე ანანდამიდების (ენდოკანაბინოიდები) დონის მომატებას. ეს დაამტკიცა მღრღნელებზე ჩატარებულმა ექსპერიმენტმა. მათ 5 საათის მანძილზე აიძულებდნენ სირბილს, შემდეგ უშვებდნენ ბნელ სათავსოში და ტკივილის სტიმულაცას ახდენენ. აღმოჩნდა, რომ მორბენალი მღრღნელები სიბნელეში ნაკლებად ნერვიულობდნენ და უკეთ იტანდენ ტკივილს.
ლალი ჩხიკვაძე