მამის თბილი დამოკიდებულება გოგონებში ოპტიმიზმსა და საკუთარი აკადემიური მონაცემებისადმი რწმენას აყალიბებს
კვლევაში მონაწილეობდა 183 მეექვსეკლასელი დაბალშემოსავლიანი ოჯახიდან. მეცნიერები აფასებდნენ მოხალისეების მოტივაციასა და ოპტიმიზმის დონეს. კვლევამ აჩვენა, რომ მამების თანადგომის შედეგად გოგონები მაღალ შეფასებას იღებდნენ მათემატიკაში, ხოლო ვაჟები - ინგლისურში. ამასთან, მამის განათლების დონეს დიდი მნიშვნელობა არ ჰქონდა.
მკვლევარების თქმით, მამის თბილი დამოკიდებულება გოგონებში ოპტიმიზმსა და საკუთარი აკადემიური მონაცემებისადმი რწმენას აყალიბებს. ამის გამო მაღლდება მათემატიკაში მათი მოსწრება. ბიჭებში მამების მხარდაჭერით, ასევე საკუთარი ძალებისადმი რწმენა ჩნდება, რაც მათ ინგლისურ ენასა და შემოქმედებით საქმიანობაში წარმატების მიღწევაში ეხმარებათ.
ლალი ჩხიკვაძე