ტელევიზორის ყურება ბავშვებში კომუნიკაციური უნარ-ჩვევების განვითარებას აფერხებს
ასოციაციის მიერ ჩატარებული გამოკვლევებით დადასტურდა, რომ ტელევიზორის ყურება ბავშვთა კომუნიკაციური უნარ-ჩვევების განვითარებას აფერხებს.
სამწუხაროდ, ბოლო დროს მშობლები სულ უფრო ხშირად აკისრებენ ტელევიზორს ძიძის მოვალეობას. ამის გამო პატარა ბავშვები, მათ შორის ჩვილებიც, ტელეეკრანებთან სულ უფრო და უფრო მეტ დროს ატარებენ. აღარაფერს ვამბობთ იმაზე, რომ ვიდეოთამაშებმა და საზოგადოდ, კომპიუტერმა ბავშვები ეკრანებს მიაჯაჭვა.
1100 ბავშვის გამოკვლევამ ერთობ საშიში ტენდეცია გამოავლინა: ის ბავშვები, რომელთა სახლშიც ტელევიზორი 10 საათზე მეტხანს არის ჩართული, კონტაქტისას თანამოსაუბრეს თვალს არიდებენ, ხოლო ის პატარები, რომელთა სახლებშიც ტელევიზორი სამი საათის ან უფრო ნაკლები დროის განმავლობაშია ჩართული, ამგვარად ნაკლებად რეაგირებენ (ბავშვთა მხოლოდ 37, 5 %-ი).
როგორც იაპონიის პედიატრთა ასოციაცია აცხადებს, ეს მეტად საგანგაშო მაჩვენებელია, ამიტომაც პატარა ბავშვები აუცილებლად უნდა მოვარიდოთ ტელეეკრანს.
თინათინ გოცაძე