სოიოს პროდუქტები და ბროკოლი ძუძუს კიბოს მკურნალობის გვერდით ეფექტებს ამცირებს
(სოიოს რძე და ტოფუ), ბროკოლსა და ყვავილოვან კომბოსტოს შეუძლია მნიშვნელოვნად შეამციროს ძუძუს კიბოს მკურნალობის გვერდითი ეფექტები.
ის საშუალებები, რომლებიც ძუძუს კიბოს რეციდივის განვითარებას უშლის ხელს, ხშირად თრგუნავს ესტროგენის გამომუშავებას ან გამოყენებას. როგორც ცნობილია, ამ ჰორმონს შეუძლია სარძევე ჯირკვლის სიმსივნის ზრდის სტიმულირება. შედეგად, პაციენტებს ხშირად აღენიშნებათ ალები, ღამით ოფლიანობა და მენოპაუზის სხვა გამოვლინებები.
მკვლევარებმა 365 ქალის მონაცემი გააანალიზეს. სპეციალისტებმა დაადგინეს, რომ სოიოს პროდუქტის და კომბოსტოს ხშირი მომხმარებელი ქალბატონები იშვიათად უჩიოდნენ მენოპაუზის სიმპტომებს. სოიოს პროდუქტების მიღება ქალებს ასევე იცავდა დაღლილობისგან.
მეცნიერების აზრით, ამის მიზეზი სოიოს პროდუქტების და კომბოსტოს კომპონენტებია -იზოფლავონები და გლუკოზინოლატები.
ლალი ჩხიკვაძე