ძვლის ტვინის ინფიცირებული უჯრედები კუჭის კიბოს განვითარებას განაპირობებს
შედეგად კი ისინი თავად ზიანდება.
ექსპერიმენტის ფარგლებში ვირთაგვებს გადაუნერგეს სხვადასხვა ფერის მარკერების შემცველი ძვლის ტვინი, რის შემდეგაც ლაბორატორიული ცხოველების კუჭი მოწმდებოდა ძვლის ტვინის უჯრედთა შემცველობაზე. მომდევნო ეტაპზე ცხოველებს აინფიცირებდნენ. მე-20 და 52-ე კვირებს შორის პერიოდში ვირთაგვების კუჭში აღმოჩნდა ძვლის ტვინის უჯრედები, სავარაუდოდ, ბაქტერიებით დაზიანებული უჯრედების აღსადგენად მობილიზებული.
ცხადია, ეს იმას არ ნიშნავს, რომ Helicobacter pylori -ს არსებობის შემთხვევაში ადამიანს ყველა შემთხვევაში განუვითარდება კუჭის კიბო. აღნიშნული კვლევების შედეგების შეჯერება აუცილებელია ადამიანებთან მიღებულ მონაცემებთან. თუმცა, ადამიანის ძვლის ტვინში შეფერილი მარკერების განთავსება მეტად რთული ამოცანაა და, საზოგადოდ, ცხოველებზე ჩატარებული ექსპერიმენტების გამყარება ადამიანებთან განხორციელებული კვლევებით დიდ სიძნელეებს უკავშირდება.
მიუხედავად ყველაფრისა, ამერიკელი მეცნიერების განცხადებით, მიღებული შედეგები უტყუარი, საინტერესო და დასაფიქრებელია!
თინათინ გოცაძე