ექიმები კიბოს მკურნალობას ძილის დროს აპირებენ
ამგვარი თერაპია უფრო ეფექტური და ნაკლებად ტრავმული იქნება, რაც განსაკუთრებით აქტუალურია მასობრივი მეტასტაზებისას. იდეის ავტორი ექიმი მარკო დურანტეა. რამოდენიმე შემთხვევაა ცნობილი, როდესაც ადამიანებმა გაუძლეს ტემპერატურის ანომალურ დაქვეითებას. ეს კი მეცნიერებს, მედიკამენტების დახმარებით, ძილის ინიცირების შესაძლებლობის იდეისკენ უბიძგებს.
მეტასტაზების შემთხვევაში ქირურგებს არ შეუძლიათ ყველა ახალწარმონაქმნთან გამკლავება. დიდი მოცულობით გამოყენებულმა სხივურმა თერაპიამ კი შეიძლება პაციენტის სიკვდილი გამოიწვიოს. ძილის მდგომარეობაში კი (საუბარია მინიმუმ ერთკვირიან ძილზე) კიბოს ზრდა დამუხრუჭდება, ორგანიზმი უკეთ გადაიტანს დასხივებას და პაციენტიც გაიღვიძებს ჯანმრთელი. დაძინების მეთოდი წარმატებით გამოსცადეს თაგვებზე. ადამიანებზე ამ მეთოდის გამოყენებას უახლოეს 5-10 წელიწადში დაიწყებენ.
ლალი ჩხიკვაძე