ზეითუნის ზეთს სიმსივნის საწინააღმდეგო მოქმედება აქვს
მიზეზი აღნიშნულ პროდუქტებში ოლეინის მჟავას ჭარბი შემცველობაა. ოლეინის მჟავა მეტად აქტიური და იმავდროულად ონკოგენების არატოქსიკური ბლოკატორია. მის ეფექტს ტყუილად როდი ადარებენ ანტისიმსივნურ თერაპიას.
ექსპერიმენტული კვლევებით დადასტურებულია, რომ ოლეინის მჟავა არა მხოლოდ აფერხებს სიმსივნური უჯრედების ზრდასა და გამრავლებას, არამედ ზრდის სიმსივნის საწინააღმდეგო პრეპარატების ეფექტს. ოლეინის მჟავას შემცველობა ზეითუნის ზეთში 60-85 %-ს შეადგენს, რის გამოც ეს უკანასკნელი კიბოს საპროფილაქტიკო მეტად ეფექტურ საშუალებად მიიჩნევა (ცნობისათვის, მზესუმზირის ზეთში ოლეინის მჟავას შემცველობა 30 %-ზე ნაკლებია). ამ თვალსაზრისით განსაკუთრებით სასარგებლოა ცივი გამოხდის ახალი პროდუქტი (აღნიშვნით Extra Virgin). გაითვალისწინეთ ისიც, რომ ზეითუნის ზეთის ანტიკანცეროგენული (სიმსივნის საწინააღმდეგო) ეფექტი სითბური დამუშავებისას სრულად იკარგება.
თინათინ გოცაძე