როგორ მკურნალობენ ალკოჰოლიზმს
იღებენ ექიმი, პაციენტი და მისი ოჯახის წევრები. ალკოჰოლიზმის მკურნალობა სადღეისოდ ძალზე ეფექტურია, მით უფრო, თუ დროულად მიმართავ ექიმს. პირველ რიგში, ხდება დეტოქსიკაცია, მწვავე მდგომარეობიდან გამოყვანა, მდგომარეობის მიხედვით წყდება, მკურნალობა სტაციონარულად ჩატარდეს თუ ამბულატორიულად. მსუბუქ შემთხვევებში მკურნალობა ამბულატორიულად ტარდება. ალკოჰოლური ფსიქოზების ამბულატორიული მკურნალობა კი დაუშვებელია, სტაციონარული მკურნალობაა საჭირო.
ალკოჰოლიზმის მკურნალობის ერთ-ერთი საშუალებაა ე.წ. "ამპულის ჩადგმა". თუ პაციენტმა "ამპულის ჩადგმის" შემდეგ მაინც მიიღო ალკოჰოლი, შეიძლება საკმაოდ მძიმე რეაქცია განუვითარდეს. ძნელი სათქმელია, რა შემთხვევაში რა რეაქცია განვითარდება - ეს შეიძლება იყოს ღებინება, წნევის ვარდნა, სუნთქვის უკმარისობა, ბრონქოსპაზმი... მოკლედ, დიდი სიფრთხილეა საჭირო.
მკურნალობის ძირითადი მიზანი რემისიის გახანგრძლივებაა. ამისთვის პაციენტს სათანადო რჩევები ეძლევა, ფსიქოლოგიური დახმარება უტარდება, ბინაზე შემანარჩუნებელი თერაპია ენიშნება და სხვა. ალკოჰოლიზმი - ეს არის ქრონიკული, პროგრესირებადი და რეციდივებით მიმდინარე დაავადება. სწორედ ამიტომ აქვს დიდი მნიშვნელობა თავად პაციენტის მოტივაციას. მნიშვნელობა აქვს იმასაც, ადამიანი რომელ სტადიაში მივიდა სამკურნალოდ. მკურნალობის კომპლექსიც ზუსტად უნდა განისაზღვროს, ზუსტად უნდა დაიგეგმოს, თუმცა ისიც მართალია, რომ ხშირ შემთხვევაში კარგად დაგეგმილი მკურნალობაც წარუმატებლად მთავრდება.
იხილეთ აგრეთვე სტატია "ალკოჰოლიზმი"