რთული მეტეოროლოგიური პირობების გამო, გუდაურიდან მეორე ვერტმფრენი გამოფრენას ვერ ახერხებს, რის გამოც დაშავებულები თბილისში რეანომობილებით გადმოჰყავთ
აღნიშნული ვერტმფრენით თბილისში 4 პაციენტი უნდა გადმოეყვანათ. ახლა მათი ტრანსპორტირება რეანომობილებით ხდება.
შეგახსენებთ, რომ გუდაურის საბაგიროზე მომხდარი შემთხვევის შედეგად ჯამში, დაშავებულია უკრაინის 4, შვედეთის - 1, რუსეთის - 2 და საქართველოს - 1 მოქალაქე.
გუდაურიდან ცოტა ხნის წინ ვერტმფრენით უკვე გადმოიყვანეს უკრაინის მოქალაქე, რომელსაც ხელი აქვს მოტეხილი. ის ღუდუშაურის კლინიკაშია მოთავსებული.