ხერხემლის მოტეხილობების სწრაფად შეხორცების საშუალება
გამოიყენება კიფოპლასტიკის მეთოდი. ეს დაზიანებული ხერხემლის მკურნალობის ნაკლებად ინვაზიური მეთოდია, რომელიც დაზიანებული ზონის სტაბილიზაციის საშუალებას იძლევა.
მოტეხილობის უბანში ექიმი ათავსებს სპეციალურ ბალონს, რომელიც შემდგომში ივსება წნევის ქვეშ მყოფი სითხით. ასე ხდება მოტეხილი მალის გეომეტრიის აღდგენა და შიგნით ღრუს ფორმირება. შემდეგ ბალონს ჩუტავენ და წარმოქმნილ ღრუს ავსებენ ძვლის სქელი ცემენტით. რამოდენიმე წუთში აღნიშნული ნივთიერება მყარდება, რითაც მალის შიგნით სტაბილიზაციას უზრუნველყოფს და მომავალში ამცირებს კომპრესიული მოტეხილობის განვითარების რისკს.
თუმცა, ზოგჯერ ეს საკმარისი არ არის. მეცნიერებმა ქირურგიულ ცემენტში მაგნიტური ნაწილაკების დამატებით მოახდინეს ტექნოლოგიის მოდერნიზირება. ამან ლაბორატორიული ცხოველების ორგანიზმში მნიშვნელოვნად დააჩქარა დაზიანებული ზონის აღდგენის პროცესი.
ლალი ჩხიკვაძე