ძვალსახსროვანი დაავადებები - მკურნალი.გე
რუბრიკები
ოჯახის მკურნალის ანონსი
აგვისტო 2018
კითხვა-პასუხი
ძვალსახსროვანი დაავადებები
ძვალსახსროვანი დაავადებები
უკანასკნელი ასწლეულები კაცობრიობამ საკუთარი ცხოვრების ხარისხის გაუმჯობესებასა და გაადვილებას მოანდომა. ცხადი პოზიტიური შედეგების გვერდით, შეუძლებელია, ვერ შევამჩნიოთ ამ ქმედებათა ნეგატიური მხარეებიც, რომელთა შორისაც, უპირველესად, შემცირებული ფიზიკური აქტივობა უნდა დასახელდეს.


კომპიუტერული ტექნიკის ერა, ინტერნეტი, ჩქაროსნული ტრანსპორტი და სხვა კეთილდღეობანი ადამიანს აიძულებს სულ უფრო ცოტა იმოძრაოს, ნაკლებად გაავარჯიშოს სხეული, რაც ძალზე უსიამოვნო კვალს ტოვებს ჩვენს ჯანმრთელობაზე და უამრავი დაავადების გავრცელებისა და განვითარების პირობას ქმნის. ყველაზე ხშირად უმოძრაობა სწორედ საყრდენ-მამოძრავებელი აპარატის ფუნქციებს ზღუდავს და სისტემის სხვადასხვა განყოფილება მწყობრიდან გამოჰყავს.

21-ე საუკუნე ჯანდაცვის მსოფლიო
ორგანიზაციამ სახსრების დაავადებებთან ბრძოლის ათწლეულით დაიწყო და ეს შემთხვევითი როდია. საყრდენ-მამოძრავებელი სისტემის დაავადებებით შეწუხებულ ადამიანთა რიცხვი უკანასკნელ წლებში მნიშვნელოვნად გაიზარდა.


პროფესია - რისკი

არსებობს რისკჯგუფები - პროფესიები, რომელთა წარმომადგენლებსაც ყველაზე ხშირად ემუქრებათ სახსროვანი პათოლოგიები.

  • უხშირესად ეს პრობლემები პიანისტების ხვედრია;
  • რისკჯგუფს ეკუთვნიანი სპორტსმენები;
  • ადამიანები, რომელთა შრომითი საქმიანობა ძლიერ ფიზიკურ დატვირთვას უკავშირდება;
  • ის პირები, რომლებიც სამუშაო დღეს მჯდომარე ან ფეხზე მდგარნი ატარებენ.

გავრცელებული მიზეზები

ხშირად ერთმანეთს ვეკითხებით, თითქოს ყველაფერი რიგზე მაქვს, რატომ უნდა მტკიოდეს სახსრები?

თანამედროვე მედიცინა სახსროვანი პათოლოგიების რამდენიმე ძირითად მიზეზს ასახელებს.

ჰიპოდინამია:

ნაკლებმოძრავი ცხოვრების წესი ან არასწორი ფიზიკური დატვირთვები. მთელი დღე ოფისში ჯდომის ან დგომის შემდგომ, სხეულის გაჯანსაღების მიზნით, დღის ბოლოს ფიტნესკლუბში აქტიური ფიზიკური დატვირთვა, ასეთი მკვეთრი ცვლილება სახსრების გადატვირთვას იწვევს, რაც მომავალში შესაძლოა მათი ანთებითი დაზიანების პირობად იქცეს.

ჭარბი წონა და გაცხიმოვნება:

ჭარბი წონისა და გაცხიმოვნების მქონე პირთა სახსრები მუდმივად განიცდიან გადატვირთვას, რაც იწვევს მათი ფუნქციების მოშლას.

ხერხემლის არასწორი მდებარეობა:


ხერხემლის მუდმივად არასწორი პოზა, სკოლიოზი, ასევე იწვევს სახსრების ტკივილსა და მათ დაზიანებას.

ინფექციური დაავადებანი:

ზოგიერთი ინფექციური დაავადებისას, რაოდენ გასაკვირიც უნდა იყოს, ზიანდება სახსრებიც, მაგალითად, ტუბერკულოზის, სიფილისის, გონორეის, ბრუცელოზის, ანგინისა და გრიპისას გართულების სახით ზიანდება სახსრები, ასევე ინფექციას შეუძლია პირდაპირ შეიჭრას სახსარში ტრავმირებული ან დაზიანებული კანიდან.

აუტოიმუნური რეაქციები:

აუტოიმუნური რეაქციები, ანუ, უფრო მარტივად რომ ვთქვათ, საკუთარ ორგანიზმში მიმდინარე პროცესებზე ალერგია, ასევე აზიანებს სახსრებს. იმუნურ უჯრედებს ამ შემთხვევაში იერიში მიაქვთ საკუთარ უჯრედებზე, მათი სამიზნე ამ დროს სახსრების ხრტილოვანი ქსოვილია. ასეთი მექანიზმით განვითარებული ყველაზე გავრცელებული პათოლოგია რევმატოიდული ართრიტია.

ნივთიერებათა ცვლის დარღვევა:

ნივთიერებათა ცვლის ზოგიერთი რგოლის მწყობრიდან გამოსვლის შემდგომ სახსრებში გამოლექვას და ჩალაგებას იწყებს სხვადასხვა ტიპის მარილები. ფიზიკური მოძრაობისას სახსრები სწრაფად ცვდება, ხრტილოვანი ქსოვილი ტრავმულად ზიანდება და ანთებითი პროცესი ვითარდება.

სახსრების მექანიკური ტრავმატიზაცია
ეს ყველაზე ხშირად პროფესიონალ სპორტსმენებს და იმ პროფესიის წარმომადგენლებს ემართებათ, რომელთა საქმიანობაც სახსრების ქრონიკულ და ხანგრძლივ გადატვირთვას უკავშირდება, მაგალითად, მტვირთავებს, მძღოლებს, მკერავებს, ვიბრაციის შემცველ პროფესიათა წარმომადგენლებს.

მემკვიდრული წინასწარგანწყობა
დადგენილია, რომ რევმატოიდული ართრიტი და რევმატიზმი აშკარად გამოხატული მემკვიდრული ბუნებისაა, ეს პათოლოგიები ყველაზე ხშირად მათ ემართებათ, ვისი ოჯახის წევრებისა და ახლო ნათესავებისთვისაც ეს პრობლემები კარგად ნაცნობი იყო.

სხვა ფაქტორები

უკვე ჩამოთვლილ მიზეზთა შორის არსებობს სხვა ფაქტორებიც, რომელთაც ასევე შეუძლიათ სახსროვანი პრობლემების პროვოცირება:

  • არასწორი და დაუბალანსებელი კვება;
  • არაჯანსაღი ეკოლოგიური გარემო;
  • არახელსაყრელი კლიმატი;
  • ქრონიკული სტრესი.
კომენტარი არ გაკეთებულა
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
რეკომენდირებული პროდუქტები
ამ კატეგორიის სხვა სტატიები
ქირურგმა სწავლულებმა საუდის არაბეთიდან (King Abdulaziz University Hospital) შეიმუშავეს მეტად უჩვეულო და ამავდროულად
სამხრეთ კალიფორნიის უნივერსიტეტის მეცნიერებმა ფართომასშტაბური კლინიკური კვლევების საფუძველზე
მთელს მსოფლიოში რევმატოიდული ართრიტით მილიონობით ადამიანია დაავადებული. ეს აუტოიმუნური დაავადება აზიანებს სახსრებს
ჩვეულებრივ, სახსრებში ტკაცუნი მათი მომატებული მოძრაობითაა განპირობებული. სამედიცინო ტერმინოლოგიით ამ მდგომარეობას ჰიპერმობილობა ეწოდება.

ბევრს სირბილი არ შეუძლია სახსრებთან დაკავშირებული პრობლემების გამო, ან იმის შიშით, რომ სახსრები შეაწუხებს. მეცნიერებმა ექსპერიმენტული კვლევით დაადგინეს, რომ რეგულარული სირბილი არა მარტო ზოგადად ჯანმრთელობისთვის, არამედ სახსრებისთვისაც სასარგებლოა.
ომეგა-3-ით მდიდარი თევზის ქონისა და ასპირინის კომბინაცია ართრიტთან ბრძოლის მაქსიმალურად ეფექტურ
13 აგვისტო 2018
თანამედროვე ადამიანის ცხოვრების წესი ჯანმრთელობისთვის უფრო მავნე და საზიანოა. მუდმივი სტრესის, სრულფასოვანი
11 აგვისტო 2018
ვარჯიშს რომ უდიდესი მნიშვნელობა აქვს ჯანმრთელობისა და დღეგრძელობისათვის ამ აჩქარებულ და
ახალგაზრდებს ხშირად აბრაზებთ უფროსი თაობის ამგვარი ფრაზები: “ყველაფერს თავისი დრო და ასაკი აქვს”, “რა დროს შენი სიყვარულია” და ა.შ.
ფილოსოფოსები ნაოჭს დროის ბეჭედს უწოდებენ, ქალები კი მათ ასწლეულების მანძილზე სხვადასხვა ხერხით ებრძვიან.
სამედიცინო საქმიანობის სახელმწიფო რეგულირების სააგენტო სამშობიარო სახლ „ნინოში“ შესვლის თაობაზე