ტეკილას ნედლეულით შესაძლებელი გახდება ოსტეოპოროზის დამარცხება
საქმე Agave tequilana-ში არსებულ ფრუქტანებშია. ნაწლავის ჰარმონიულ მიკროფლორასთან ერთად აღნიშნული ნაერთები ხელს უწყობს ძვლის ახალი ქსოვილის ფორმირებას, ოსტეოპოროზის არსებობის დროსაც კი. ეს დამტკიცდა მღრღნელების მაგალითზე, რომელთაც ხელოვნურად განუვითარეს ოსტეოპოროზი. ცხოველებს აძლევდნენ ფრუქტანებს რვა კვირის განმავლობაში, რის შემდეგაც გაკეთდა მინერალური ნივთიერებებისა და ოსტეოკალცინის (ძვლის ახალი ქსოვილის ფორმირების პროცესის მაუწყებელი ცილა) ათვისების მაჩვენებლის ანალიზი. როგორც აღმოჩნდა, ფრუქტანების მოხმარების შემდეგ, თითქმის 50%-ით მეტი ოსტეოკალცინი სინთეზირდა და გაიზარდა ძვლის დიამეტრიც.
კუჭ-ნაწლავის ტრაქტში მოხვედრისას, ფრუქტანები ურთიერთქმედებს მიკროფლორასთან და წარმოქმნის მოკლეჯაჭვიან ცხიმოვან მჟავებს, რომლებიც იქვე იბამენ მინერალურ ნივთიერებებს და ახორციელებენ მათ ტრანსპორტირებას ძვლის უჯრედებთან.
ლალი ჩხიკვაძე
ოსტეოპოროზი - XXI საუკუნის პრობლემა