სხეულის მასის კლება ოსტეოართრიტის რისკს ამცირებს
ამ დასკვნამდე მივიდნენ კალიფორნიის უნივერსიტეტის მეცნიერები. მკვლევარების თქმით, სიმსუქნე ოსტეოართრიტის ძირითად რისკ-ფაქტორს წარმოადგენს.
ექსპერიმენტში მონაწილეობდა ჭარბი მასის მქონე 506 პაციენტი. მოხალისეებს აღენიშნებოდა მსუბუქი და ზომიერი ხარისხის ოსტეოართრიტი. მონაწილეები გაყვეს სამ ჯგუფად. საკონტროლო ჯგუფის წევრებს წონაში არ დაუკლიათ. მეორე ჯგუფს შესთავაზეს სხეულის მასის მცირედ დაკლება, მესამე ჯგუფმა დაიკლო სხეულის პირველადი მასის 10%.
4 წლის შემდეგ შეაფასეს მუხლის სახსრის ხრტილის მდგომარეობა. სპეციალისტებმა შენიშნეს, რომ სხეულის მასის კლება იცავდა ხრტილს ნაადრევი დეგენერაციისაგან. რაც მეტი იყო სხეულის მასის კლება, მით მეტად ვლინდებოდა დამცავი ეფექტი.
ლალი ჩხიკვაძე