”მკურნალის” რედაქცია

ატენიანებს თმას და თავის კანს, მას აქვს თმის აღმდგენი მოქმედება.

როგორ გამოვიყენოთ

• აურიეთ ერთმანეთში 2-2 ჩაის კოვზი დიმექსიდი, ზეთოვანი ა და ე ვიტამინები, აბუსალათინის ზეთი და ლიმონის წვენი. წაისვით თმებზე და თავის ქალაზე, პოლიეთილენის პარკით შეიხვიეთ თავი, ზემოდან ქუდი დაიფარეთ და ერთი საათი გაიჩერეთ (ცოტათი წიწკნის შეგრძნება გექნებათ), შემდეგ 2-3-ჯერ ჩამოიბანეთ შამპუნით. კვირაში მხოლოდ ერთხელ შეიძლება გაკეთება.

• 2 ს.კ. ხახვის წვენი და 2 ს.კ აბუსალათინის ზეთი აურიეთ ერთმანეთში, წაისვით თმებზე. თავი შეიფუთეთ 30-40 წუთით და შემდეგ ჩამოიბანეთ.

• 1 ს.კ. აბუსალათინის ზეთი, 1 ს.კ. თხევადი საპონი და 1 ჩ.კ. ალოეს წვენი შეათბეთ ორთქლზე და შეიზილეთ თმის ძირებში. 30 წუთის შემდეგ ნიღაბი ჩამოიბანეთ შამპუნით და გადაივლეთ წყალი, რომელშიც უნდა გაურიოთ 1 სუფრის კოვზი ვაშლის ძმარი ან ლიმონის წვენი(1 ლიტრ წყალზე).

• ათქვიფეთ 1 კვერცხის გული, შეურიეთ 1 სუფრის კოვზი აბუსალათინის ზეთი, შეიზელეთ ახლად დაბანილ თავის კანში და 1 საათის შემდეგ ჩამოიბანეთ.

• აიღეთ 1 სუფრის კოვზი აბუსალათინის ზეთი, შეურიეთ 1 ამპულა D ვიტამინი და შეიზილეთ თმის ძირებში კანის გაწითლებამდე. ეს პროცედურა გაიმეორეთ 3 დღე. მე-4 დღეს დაიბანეთ თავი 2 კვერცხის გულით. ერთი დღის შემდეგ ეს პროცედურა თავიდან გაიმეორეთ.