ადამიანს ლოგიკური აზროვნების უნარი დაბადებიდანვე დაჰყვება
და გეგმების დაწყობა. განსჯის უნარი წლამდე ასაკის ბავშვებსაც კი აქვთ, რაც ექსპერიმენტების სერიით დადასტურდა. კერძოდ, პატარა ბავშვებს აჩვენებდნენ მანამდე უცნობი საგნების ნაკრებს. ბავშვები უცნობ საგნებზე აფიქსირებდნენ ყურადღებას. მათი თვალიერებისას, ბავშვებს უფართოვდებოდათ გუგები, რაც თავის ტვინის მაღალ აქტივობაზე მეტყველებდა.
ტვინის აქტივობების მონაცემებიდან გამომდინარე, მეცნიერებმა გააკეთეს დასკვნა, რომ ყველა ბავშვს შეუძლია აზროვნება, მაშინაც კი, სანამ ლაპარაკს დაიწყებდეს. გამოდის, რომ ლოგიკური აზროვნება ყველასთვის დამხასიათებელი, თანდაყოლილი თვისებაა.
ბავშვის ტვინი უფრო ოპტიმალურად ვითარდება მწვანე ნარგავების სიახლოვეს. ბარსელონაში ჩატარებული კვლევის თანახმად, მწვანე ნარგავების დამსახურებით, ბავშვებში უმჯობესდებოდა ყურადღება და სამუშაო მეხსიერება. დაწყებითი კლასის მოსწავლეებს, რომლებიც მწვანე ნარგავებით გარშემროტყმულ სახლებში იზრდებოდნენ, ტვინის გარკვეულ მიდამოებში უფრო მეტი თეთრი და რუხი ნივთიერება ჰქონდათ. ეს თავისებურება კოგნიტიური ფუნქციების განვითარებასთანაა კავშირში.
სპეციალისტების აზრით, მწვანე ნარგავები ფსიქიკისთვისაა სასარგებლო. ის ასტიმულირებს შემოქმედებით და კვლევით საქმიანობას. გარდა ამისა, მწვანე რაიონებში დაბალია ჰაერის დაბინძურებისა და ხმაურის დონე, რაც ირიბად ასევე მოქმედებს ბავშვის ტვინზე.
ლალი ჩხიკვაძე