პირველად არის კუნთების სისუსტე, დაღლილობა, ტკივილი, დეპრესია, შემდეგ კი სიარულის უნარის დაკარგვა - ახალი მეთოდი გაფანტული სკლეროზის მკურნალობაში
აღნიშნული დაავადებისას, ადამიანს თავდაპირველად აღენიშნება კუნთების სისუსტე, ზოგადი დაღლილობა, ტკივილი და დეპრესია.
დაავადების პროგრესირებასთან ერთად, ადამიანი სიარულის უნარს კარგავს. დღემდე არსებული წამლები ხსნის ფიზიკურ დისკომფორტს, მაგრამ დაავადების პროგრესირების შეჩერება ვერ ხერხდება.
ღეროვან უჯრედებთან დაკავშირებული უკანასკნელი კვლევების შედეგები, იმედისმომცემია. აღნიშნული თერაპიით შესაძლებელია პროცესის განვითარების დამუხრუჭება და მყარი რემისიის მიღწევა. კვლევას აწარმოებს ლონდონის სამეფო კოლეჯის ჰოსპიტალი და ჯანდაცვის სამეფო კოლეჯი. მკურნალობის საფუძველს წარმოადგენს ჰემოპოეტური ღეროვანი უჯრედების გადანერგვა.
ცნობილია, რომ იმუნური სისტემის უჯრედები ძვლის ტვინში წარმოიქმნება. ამგვარი მიდგომისას ექიმები ქიმიოთერაპიით კლავენ პაციენტის ძვლის ტვინს და შემდგომში ცვლიან მას ღეროვანი უჯრედებით. ამით ხდება იმუნიტეტის "გადატვირთვა" და მის ნორმალურ მდგომარეობაში დაბრუნება. პაციენტს მკურნალობის პერიოდში, იზოლაცია ესაჭიროება. მკურნალობის მიზანია, კილოგრამ წონაზე 2-3 მილიონი ღეროვანი უჯრედის შეყვანა. დღეისათვის ეს თერაპია 281 ადამიანს ჩაუტარდა და შემთხვევათა დაახლოებით 50%-ში, დადებითი ეფექტი, 5 წლის განმავლობაში შენარჩუნდა.