გაფანტული სკლეროზის მკურნალობის ახალი მეთოდი
დაავადების პროგრესირებასთან ერთად, ადამიანი სიარულის უნარსაც კარგავს. დღემდე არსებული წამლები ხსნის ფიზიკურ დისკომფორტს, მაგრამ დაავადების პროგრესირების შეჩერება ვერ ხერხდება.
თუმცა, ღეროვან უჯრედებთან დაკავშირებული უკანასკნელი კვლევების შედეგები, იმედისმომცემია. აღნიშნული თერაპიით შესაძლებელია პროცესის განვითარების დამუხრუჭება და მყარი რემისიის მიღწევა. კვლევას აწარმოებს ლონდონის სამეფო კოლეჯის ჰოსპიტალი და ჯანდაცვის სამეფო კოლეჯი. მკურნალობის საფუძველს წარმოადგენს ჰემოპოეტური ღეროვანი უჯრედების გადანერგვა. მსგავსი პროცედურა გამოიყენება ლეიკემიის სამკურნალოდ (ძვლის ტვინის გადანერგვა).
ცნობილია, რომ იმუნური სისტემის უჯრედები ძვლის ტვინში წარმოიქმნება. ამგვარი მიდგომისას ექიმები ქიმიოთერაპიით კლავენ პაციენტის ძვლის ტვინს და შემდგომში ცვლიან მას ღეროვანი უჯრედებით. ამით ხდება იმუნიტეტის „გადატვირთვა“ და მის ნორმალურ მდგომარეობაში დაბრუნება. პრობლემა იმაში მდგომარეობს, რომ ეს მიდგომა გულისხმობს იმუნური დაცვის განადგურებას. ამიტომ, პაციენტს მკურნალობის პერიოდში, იზოლაცია ესაჭიროება. მკურნალობის მიზანია, კილოგრამ წონაზე 2-3 მილიონი ღეროვანი უჯრედის შეყვანა. დღეისათვის ეს თერაპია 281 ადამიანს ჩაუტარდა და შემთხვევათა დაახლოებით 50%-ში, დადებითი ეფექტი, 5 წლის განმავლობაში შენარჩუნდა.
ლალი ჩხიკვაძე