ტკივილი ნერვულ უჯრედებს ანადგურებს
მკვლევარებმა ხერხემლის ქრონიკული ტკივილით დატანჯული 26 პაციენტისა და 26 ჯანმრთელი პირის თავის ტვინის სკრინინგი ჩაატარეს. აღმოჩნდა, რომ ქრონიკული ტკივილი თავის ტვინის რუხი ნივთიერების 11 %-ით შემცირებას იწვევს, ეს კი, სპეციალისტთა განმარტებით, ჯანმრთელი ადამიანების ტვინის სიცოცხლის 10-20 წლით შემცირების ეკვივალენტურია. ტკივილი ყოველწლიურად ტვინის რუხ ნივთიერებას 1,3 სმ3-ით ამცირებს.
ახლა მეცნიერთა წინაშე სხვა ამოცანაა - შექცევადია თუ არა ეს პროცესი?! ვირთაგვებზე ჩატარებული წინასწარი ექსპერიმენტებით აღმოჩნდა, რომ ტკივილის გავლენით ზურგის ტვინის ნეირონები იღუპება, რაც იმის დასტურია, რომ ტვინში მიმდინარე ცვლილებები შეუქცევადი ხასიათისაა.
თინათინ გოცაძე