რა არის ინსულტის ყველაზე ზუსტი მარკერი
საშიში სისხლძარღვოვანი პათოლოგიების (ინსულტებისა და ინფარქტების) ზუსტ მარკერს. მათი განცხადებით, აღნიშნულ პათოლოგიათა დიაგნოსტიკისას ყურადღება უნდა მიექცეს არტერიებში კალციუმის არსებობას.
პროექტის ავტორები არიან ტეხასის უნივერსიტეტის (დალასში) სამხრეთ-დასავლეთ სამედიცინო ცენტრის თანამშრომლები, რომლებმაც გააანალიზეს 45-დან 84 წლის ასაკის 6 200 ადამიანის ჯანმრთელობის მდგომარეობა. მედიკოსებს აინტერესებდათ იმის გარკვევა, რამდენად სახიფათოა ცნობილი "სისხლძარღვოვანი კატასტროფებისათვის" ისეთი ფაქტორების არსებობა, როგორებიცაა შაქრიანი დიაბეტი, მომატებული არტერიული წნევა და ასევე "ცუდი ქოლესტერინის" მაღალი დონე.
გაირკვა, რომ კალციუმის ჩანართები სისხლძარღვებში განსაზღვრავს ინსულტისა და გულის შეტევების რისკს. კერძოდ, პირებს, რომლებსაც არტერიებში არ აღენიშნებათ კალციუმი, უახლოესი 10 წლის მანძილზე ინსულტისა და ინფარქტის განვითარების ყველაზე დაბალი რისკი აქვთ.
კალციუმის არსებობა სისხლძარღვებში მეტად სერიოზული მარკერია. თუ ადამიანს ის არ აღენიშნება, სხვა რისკფაქტორების არსებობის შემთხვევაშიც კი ინსულტისა და ინფარქტის განვითარების ძალიან დაბალი რისკი აქვს.
თინათინ გოცაძე