7 პროდუქტი, რომელიც დეპრესიას თავიდან აგვაცილებს - მკურნალი.გე
რუბრიკები
ოჯახის მკურნალის ანონსი
კითხვა-პასუხი
7 პროდუქტი, რომელიც დეპრესიას თავიდან აგვაცილებს
7 პროდუქტი, რომელიც დეპრესიას თავიდან აგვაცილებს
დეპრესიის თავიდან ასაცილებლად ორგანიზმს გარკვეული ნივთიერებები რეგულარულად უნდა მიეწოდებოდეს, რაციონი კი მრავალფეროვანი უნდა იყოს. მეცნიერებმა შეადგინეს იმ პროდუქტების ჩამონათვალი, რომლებიც დეპრესიას თავიდან აგვაცილებს.

ხორცი

ცილა რაციონში ყოველთვის უნდა იყოს. ფრინველის ხორცი მდიდარია ამინომჟავა ტრიფტოფანით, რომელიც სეროტონინის გამომუშავებას უწყობს ხელს. პარკოსნები, მჭლე ხორცი, უცხიმო ყველი, თევზი, რძე, მაწონი, იოგურტი, სოიოს პროდუქტები ასევე უხვად შეიცავენ ცილას.

ბოსტნეული

ესპანელმა მეცნიერებმა, დეპრესიის კვლევის შედეგად აღმოაჩინეს, რომ მამაკაცებში დეპრესია დაკავშირებულია ისეთი ფაქტორების ერთობლიობასთან, როგორიცაა თამბაქო და ფოლიუმის მჟავას დეფიციტი. ქალებში კი დაბალი ფიზიკური აქტივობა, В12
ვიტამინის დეფიციტის ფონზე. საკვები ნივთიერებების დეფიციტი იწვევს განწყობის დათრგუნვას, ხოლო დეპრესია ნორმალურ კვებას უშლის ხელს. ამ მანკიერი წრის გაწყვეტა შესაძლებელია, თუ სისტემატურად მივიღებთ პარკოსნებს, ნიგოზს, მწვანილს, ბოსტნეულს, თევზს, ზღვის პროდუქტებს. მათში ბევრია ფოლიუმის მჟავა და В 12 ვიტამინი. ფოლიუმის მჟავათი და ალფა-ლიპოის მჟავათი (დათრგუნული განწყობის
ძირითადი მტერი) მდიდარია პომიდორიც.

კენკრა

მოცვი, ჟოლო, მარწყვი, მოცხარი დეპრესიასთან ბრძოლაში საუკეთესო მოკავშირეები არიან. მათში ბევრი ანტიოქსიდანტია, რაც გუნება-განწყობის გაუმჯობესებას უწყობს ხელს.

რძის პროდუქტები

განწყობაზე ასევე მოქმედებს D ვიტამინის დონე. ტორონტოს უნივერსიტეტის მეცნიერებმა შენიშნეს, რომ ადამიანები, რომელთაც სეზონური აფექტური მოშლილობა აწუხებდათ, თავს გაცილებით უკეთ გრძნობენ გაზაფხულსა და ზაფხულში, იმ დროს, როდესაც მზის სხივების ზემოქმედებით, ორგანიზმში იზრდება D ვიტამინის კონცენტრაცია. მზის სხივების დეფიციტის პირობებში, რეკომენდებულია რძის პროდუქტების, მცენრეული ცხიმის, ნაღების კარაქის, ზღვის პროდუქტების, კვერცხის გულისა და თევზის ღვიძლის მიღება.

ნიგოზი და თევზი

ისინი დეპრესიის სიმპტომებს ამცირებს და აუმჯობესებს ტვინის მუშაობას. დიეტოლოგები გვირჩევენ, ტვინისთვის სასარგებლო ომეგა-3, ნატურალური პროდუქტებიდან (ცხიმოვანი მჟავები ასე უკეთ აითვისება) მივიღოთ. ამიტომ სწორება აიღეთ ნიგოზზე, თევზსა და ზღვის პროდუქტებზე.

მწნილები და სოკო

საკვების მონელებასთან დაკავშირებული პრობლემები ხასიათზეც აისახება. ამიტომ იქ არსებული ბაქტერიები ჩვენი განწყობის დირიჟორები არიან. არ დაივიწყოთ მწნილები ძმრის გარეშე, რბილი ყველი, სოკო და რძის პროდუქტები.

ზღვის პროდუქტები

სულიერი წონასწორობის შესანარჩუნებლად, ზრდასრულ ადამიანს დღეში 55 მიკროგრამი სელენი ესაჭიროება. მეცნიერებმა დაამტკიცეს კავშირი ამ მიკროელემენტის დეფიციტსა და ცუდ განწყობას შორის. ექიმები გვირჩევენ მის მიღებას არა აბაბების სახით, არამედ ნატურალურ საკვებთან ერთად. ესენია: ღორისა და საქონლის სუბრპროდუქტები, კვერცხი, ქაშაყი, ომარები, ლანგუსტები და ხამანწკები. სელენის მტერი ნახშირწყლებია. ცომეული და ტკბილეული მას შლის.

ლალი ჩხიკვაძე

კომენტარი არ გაკეთებულა
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
რეკომენდირებული პროდუქტები
მსგავსი სიახლეები
სიცოცხლის გამახანგრძლივებელ ე.წ. „ანთების საწინააღმდეგო“ დიეტაში შემავალი პროდუქტები ორგანიზმში
10-10-2018
ხმელთაშუაზღვის დიეტა ხილის, ბოსტნეულის, ნიგვზის და თევზის ჭარბი შემცველობით გამოირჩევა.
09-10-2018
ამ კატეგორიის სხვა სტატიები
საქართველოს სახალხო დამცველმა ნინო ლომჯარიამ ხონის მუნიციპალიტეტის სოფელ ქუტირში მდებარე ფსიქიკური ჯანმრთელობის ეროვნული ცენტრი დაათვალიერა,
ხმელთაშუაზღვის დიეტა ხილის, ბოსტნეულის, ნიგვზის და თევზის ჭარბი შემცველობით გამოირჩევა.
სპეციალისტებმა აღწერეს ბიპოლარული მოშლილობით დაავადებული 51 წლის პაციენტის შემთხვევა, რომლის
"რაც უფრო მეტად იძირები სოციალურ ქსელებში, მით მეტად გიტევს დეპრესია" - აცხადებენ ამერიკელი
ბოსტონის სამედიცინო სკოლაში დაადგინეს, რომ ბევრი ადამიანი პლასტიკურ ოპრაციას იკეთებს იმის
დღე და ღამე არ გტოვებთ ფიქრები ანგარიშებზე, პროექტებზე, კლიენტებსა თუ შესაძლო შემცირებაზე?
05 მარტი 2015
ვმუშაობ და თავისუფალი დრო ძალიან ცოტა მაქვს. ახლახან თაყვანისმცემელი გამიჩნდა, ალბათ შეხვედრებს დავიწყებთ.
05 იანვარი 2018
ბევრი მშობელი ღელავს იმის გამო, რომ მათ შვილებს პრობლემები ექმნებათ სწავლის პროცესში, ჩამორჩებიან თანატოლებს, ძნელად ითვისებენ სასწავლო მასალას.
მოგეხსენებათ, საკვებ რაციონში ცხიმების მარაგის შემცირება–გაზრდით შესაძლებელია სხეულის მასის
რაციონი არა მარტო ფიზიკური ფორმის შენარჩუნებისთვისაა მნიშვნელოვანი, არამედ ტვინის ეფქტური მუშაობისთვისაც!
კუჭის წყლული სწრაფად რომ შეხორცდეს, მიიღეთ ჩვეულებრივი ასფურცელას ნაყენი. 1 სადილის კოვზ ყვავილს დაასხით