კვლევამ ლავანდით მიღებული რეალური სამკურნალო ეფექტი დაადასტურა
კვლევამ ლავანდით მიღებული რეალური სამკურნალო ეფექტი აჩვენა. ლავანდას შეუძლა ოპერაციის წინ, პაციენტის შფოთვის მოხსნა. ეს დადასტურდა ოტორინოლარინგოლოგიის განყოფილების ქირურგიულ პაციენტებზე კვლევით. ოპერაციის წინ არსებული შფოთვის გამო, ექიმი იძულებულია გამოიყენოს მეტი ანესთეტიკი და სანარკოზო საშუალება. ამის გამო იზრდება საავადმყოფოში ყოფნის ვადა, ინფექციასთან ბრძოლის უნარი კი ქვეითდება. ლავანდის ეფექტი შეამოწმეს 100 ქირურგიულ პაციენტზე, რომლებიც ორ ჯგუფად დაყვეს. პირველი ჯგუფი, ოპერაციის წინ, არომათერაპიის სეანსს გადიოდა, ხოლო მეორე, საკონტროლოდ სტანდარტულ დამამშვიდებელს იყენებდა. ორივე მეთოდი ამცირებდა შფოთვას. თუმცა, არომათერაპია უსაფრთხოებითა და სიმარტივით გამოირჩეოდა. ლალი ჩხიკვაძე