დავეხმაროთ ერთმანეთს
- წამლის მოსამზადებლად 100 გრამ წვრილად დაჭრილ ან დაფქულ ფესვს ყრიან მომინანქრებულ ჭურჭელში, ასხამენ 1 ლიტრ წყალს და, თავდახურულს, 20 წუთის განმავლობაში ადუღებენ ნელ ცეცხლზე. მერე 6 საათით ოთახის ტემპერატურაზე დგამენ და წურავენ.
ნახარში უნდა შეინახოთ მაცივარში. მიიღოთ 1 სუფრის კოვზი დღეში 3-ჯერ, ჭამამდე 15 წუთით ადრე, 3 თვის განმავლობაში. ერთთვიანი შესვენების შემდეგ კურსი გაიმეორეთ.
ამ წამლის გამოყენება შეიძლება ოსტეომიელიტის დროსაც.
ოსტეომიელიტის და ფისტულის სწრაფად მოსარჩენად აიღეთ თანაბარი ოდენობის ღორის მუცლის გადამდნარი ქონი და ცხენის ბარძაყის ძვლის ტვინი, აურიეთ ერთმანეთში, გადაწურეთ და ამ ნარევით გაჟღენთილი სახვევი მტკივან ადგილზე დაიდეთ.
ფერიდე ისმაილოვა, მარნეული
ნასიცხის დროს ღვია დაგეხმარებათ
ზაფხული დერმატოზისა და ალერგიული გამონაყარის ყვავილობის პერიოდია, რომელსაც მოსახლეობაში ნასიცხის სახელით იცნობენ. ასეთ დროს ღვიის აბაზანებს არაფერი სჯობს:
- აიღეთ ღვიის დაქუცმაცებული ტოტი (200-300 გრამი) და დაასხით 10 ლ ცივი წყალი, დააყენეთ 2 საათით, მერე 20 წუთი ადუღეთ ნელ ცეცხლზე, გადაწურეთ და ჩაასხით აბაზანაში (36-37 0ჩ).
აბაზანა უმჯობესია მიიღოთ ძილის წინ.
მკურნალობის კურსი 10-12 პროცედურაა, რომლებიც დღეგამოშვებით უნდა ჩაიტაროთ.
რეზო ლაფაჩი, წყალტუბო