შიმშილის ჰორმონი - როგორ ვაკონტროლოთ მადა
ადრე მიიჩნეოდა, რომ შიმშილის გრძნობა დაკავშირებული იყო კუჭის სიცარიელესთან. დიდი ხნის განმავლობაში ასევე ფიქრობდნენ, რომ სისხლში გლუკოზის დონის დაქვეითება საკვების მიღების საჭიროების სიგნალი იყო.
1999 წ. იაპონელმა მეცნიერებმა აღმოაჩინეს ბიოლოგიურად აქტიური ნივთიერება, რომელიც შიმშილის გრძნობაზეა პასუხისმგებელი. ახალ ნაერთს იაპონელებმა გრელინი უწოდეს. აღმოჩნდა, რომ გრელინი ჰიპოფიზზე მოქმედებს. იგი კუჭში გამომუშავდება, მაგრამ ტვინში სისხლით ხვდება.
როგორ ვაკონტროლოთ შიმშილის ჰორმონი:
1.შევამციროთ კუჭის მოცულობა. რაც მეტია კუჭის კედლის ზომა, მით მეტი გრელინი გამომუშავდება. კუჭის მოცულობის შესამცირებლად საჭიროა ხშირად და მცირე ულუფებით კვება. რაც შეეხება წყალს - ისიც მცირე ულუფებით უნდა მივიღოთ. არ შეიძლება შიმშილი. ამ შემთხვევაში ორგანიზმი იმარაგებს კალორიებს და ცდილობს მის კომპენსირებას საკვების ნაკლებობისას.
2.ფიზიკური ვარჯიში. გრელინის გამომუშავების დასაქვეითებლად კარგია ფიზიკური აქტივობა.
3. დასვენება და ჯანსაღი ძილი. ძილის ნაკლებობის დროს 15%-ით მეტი ჰორმონი გრელინი გამომუშავდება.
4.მიიღეთ საკმარისი რაოდენობის ცილა. ის აკონტროლების საკვების მოხმარებას და სწრაფად ანაყრებს ადამიანს.
ლალი ჩხიკვაძე