დუკანური პური "შეტევის" ფაზისთვის
შვრიის ქატო თქვენი გემოვნების მიხედვით შეგიძლიათ მიირთვათ ფაფის სახით, აურიოთ კეფირში ან მაწონში, გამოაცხოთ პური, ბლინები, მაფინები და ა.შ. ჩვენ გთავაზობთ პურის რეცეპტს, რომელიც დიეტის დაცვას კიდევ უფრო გაგიმარტივებთ.
ინგრედიენტები
შვრიის ქატო - 1.5 სუფრის კოვზი
ხორბლის ქატო - 1 სუფრის კოვზი
კვერცხი - 1 ცალი
უცხიმო კეფირი - 1-2 სუფრის კოვზი
მარილი გემოვნებით
გამაფხვიერებელი - 1/4 ჩაის კოვზი
მომზადება
ყველაფერი ერთად დავაბლენდეროთ. გავაჩეროთ დაახლოებით 20 წუთი. შემდეგ გადავანაწილოთ სილიკონის ფორმებში. გამოდის 3 ცალი. თითო სუფრის კოვზი ჩავასხათ თითო ფორმაში. გამოვაცხოთ ღუმელში 180 გრადუსზე, დახლოებით 20 წუთი.
შენიშვნა: სითხის, ამ შემთხვევაში კეფირის რაოდენობა თქვენ თვითონ უნდა არეგულიროთ. 20 წუთის შემდეგ, როდესაც ქატო სითხეს კარგად შეიწოვს და გაფუვდება, მიიღებთ სქელ მასას, ამიტომ შესაძლოა საჭირო გახდეს კეფირის დამატება. გამოსაცხობად გამზადებული მასა არ უნდა იყოს ძალიან სქელი, უნდა იყოს თხელი არაჟნის კონსისტენციის.
რაც შეეხება რეცეპტში ხორბლის ქატოს შემცველობას, პირველ ფაზაში 1 სუფრის კოვზი ხორბლის ქატო დაშვებულია, განსაკუთრებით შეკრულობის შემთხვევაში. ამიტომ ფრანგი დიეტოლოგი პიერ დუკანი გირჩევთ მის გამოყენებას, თუმცა, შეგიძლიათ მხოლოდ შვრიის ქატოთი გამოცხობაც. შესაბამისად, საჭირო გახდება სითხის შემცირება. ამ ინგრედიენტებით პური გამოდის ერთი დღის ნორმა. შეგიძლიათ ინგრედიენტების რაოდენობა გააორმაგოთ და გაინაწილოთ ორ დღეზე. გემრიელად მიირთვით!
თამარ ნეფარიძე დუკანური პური "მონაცვლეობის" ფაზისთვის