აქვეითებს ქოლესტერინის დონეს, უხდება ვენებს, სასარგებლოა სტენოკარდიისა და ჰიპერტონიის დროს
სისხლში, რის გამოც მას ოფიციალურად უნიშნავენ შაქრიანი დიაბეტით და სიმსუქნით დაავადებულ პირებს, როგორც დიეტის ერთ-ერთ მთავარ კომპონენტს.
პომიდვრის წვენი მდიდარია ბეტა-კაროტინით (პროვიტამინი A), C, PP, და E ვიტამინებით. შეიცავს აგრეთვე რკინას, სპილენძს, კალციუმს, კალიუმს, ქრომს, ფტორს, მანგანუმს, სელენს, მოლიბდენს, ნიკელს, გოგირდს, ქლორსა და ბრომს. მინერალებისა და ბიოლოგიურად აქტიური ნივთიერებების ეს ნაკრები მართლაც უნიკალურია, რადგან თითოეული მათგანი აუცილებელია ორგანიზმისთვის. საკვებ რაციონში პომიდვრის წვენის რეგულარულად ჩართვა მთელი რიგი დაავადებების არიდებას უზრუნველყოფს, მათ შორის ავიტამინოზებსა და ნივთიერებათა ცვლის მოშლას.
დასახელებული სასმელი აქვეითებს ქოლესტერინის დონეს სისხლში. ის დიდი რაოდენობით შეიცავს უჯრედისს, რომელიც აუმჯობესებს საკვების მონელებას. პომიდვრის წვენში უხვადაა B6 ვიტამინი, რომელიც განამტკიცებს სისხლძარღვთა კედლებს, შესაბამისად, ეს სასმელი ამცირებს თრომბოზების განვითარების რისკს. მისი დალევა რეკომენდებულია ვენების ვარიკოზული დაავადების, სტენოკარდიისა და ჰიპერტონიის დროს, ასევე მიოკარდიუმის ინფარქტის გადატანის შემდეგ.
პომიდვრის წვენი რეკორდული რაოდენობით შეიცავს ლიკოპინს, რომელიც ერთ-ერთი მძლავრი ანტიოქსიდანტია. ეს ნივთიერება აფერხებს დაბერების პროცესს, აუმჯობესებს ორგანიზმის დამცველობით მაქანიზმებს და ამცირებს სიმსივნური დაავადების განვითარების რისკს.
თინათინ გოცაძე