გააჯანსაღეთ ტრადიციული კერძები - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

გააჯანსაღეთ ტრადიციული კერძები

50 კალორიით ნაკლები

სალათ “ოლივიეს” მომზადებისას ბევრი მოხარშულ დაჭრილ ძეხვს იყენებს, არადა, ის საკმაოდ კალორიულია. შეცვალეთ ეს ინგრედიენტი ხბოს ხორცით ან ინდაურის მკერდით.

შეაზავეთ სალათა დაბალკალორიული მაიონეზით ან ნატურალური იოგურტით. ბოსტნეულის სალათები შეიძლება მომზადდეს ჩვეული ინგრედიენტების გარეშეც. დააბლენდერეთ ნებისმიერი ცოცხალი ან გაყინული კენკრა, მაგალითად, შავი მოცვი ან შტოში, დაუმატეთ ცოტაოდენი მარილი, წიწაკა, სხვა სუნელები, ერთი სუფრის კოვზი ზეითუნის ზეთი და მიიღებთ პიკანტურ სოუსს ბოსტნეულისთვის.

100 კალორიით ნაკლები

სადღესასწაულო ტორტს ვერ თმობთ? მაშინ აირჩიეთ არა ფენოვანი ცომი, არამედ ბისკვიტი ჯემიანი სუფლეთი ან ნაკლები ცხიმის შემცველი კრემით. თუ თავად გსურთ ნამცხვრის მომზადება, შეცვალეთ საჭირო ცხიმის ნახევარი ხილის ჯემით ან ხილფაფით. ის ნამცხვარს ბუნებრივ სიტკბოსა და სინოტივეს შესძენს. თუმცა გამოიჩინეთ სიფრთხილე: თუ დესერტი ღუმელში ცხვება, ცხიმის სხვა პროდუქტებით შეცვლამ შესაძლოა იმოქმედოს მის იერსახესა და გემოზე, ამიტომ ექსპერიმენტი წინასწარ ჩაატარეთ! გააზავეთ ტკბილი წვენები და ხილის სასმელები უგაზო მინერალური წყლით. ქათამი და ინდაური მოამზადეთ გრილზე და არა ლითონის ფურცელზე - ასეთ დროს კანი პირდაპირ იწოვს ცხიმს ფირფიტიდან, ამიტომ ნუ შეჭამთ ფრინველის დაბრაწულ, კრაწუნა კანს.

მოამზადეთ სალათები

დიასახლისები სალათებს სხვადასხვა ბოსტნეულისგან ამზადებენ: კომბოსტოს (ყვავილოვანი, ბროკოლი), სტაფილოს, კარტოფილის, კიტრის, პომიდვრისა და ბადრიჯნისაგან, უმატებენ მწვანილს, ხახვს. შეგიძლიათ, ჩვეულ რეცეპტში ცვლილებები შეიტანოთ. მაგალითად, მწვანილი შეცვალოთ მჟაუნას ფოთლებით (ის მდიდარია ბეტა კაროტინით) ან დაამატოთ ავოკადო, რომელიც მდიდარია ვიტამინებით და თანაც ლუთეინის წყაროა.

მიირთვით ხილი

ხილი შაქრის გარდა შეიცავს საკვებ ბოჭკოებს, ვიტამინებს, მინერალებს და ანტიოქსიდანტებსაც. ეს კი იმას ნიშნავს, რომ დესერტით არა მხოლოდ ისიამოვნებთ, ორგანიზმს სასარგებლო ნივთიერებებსაც მიაწვდით. სპეციალისტებს მიაჩნიათ, რომ შაქრის შემცვლელები ნაკლებკალორიულია, ამიტომ ჭარბი წონისას ხშირად იყენებენ მათ, თუმცა ყველა თანაბრად უსაფრთხო როდია. ყველაზე უვნებელია ასპარტამი, საქარინი, სუკრალოზა, რომლის გემოც ყველაზე მიახლოებულია ნამდვილი შაქრის გემოსთან. ნაკლებკალორიული შემცვლელები ყველა პროდუქტს შეიძლება მოეძებნოს. მაგალითად, ხორცს. ხშირად კითხულობენ, რამდენად არის სოკო ან ლობიო ხორცის ალტერნატივა. სინამდვილეში არჩევანი უფრო დიდია - ორგანიზმისთვის აუცილებელი ცილები სხვა მცენარეულ პროდუქტებშიც მოიპოვება: ტოფუში - სოიის ხაჭოში, კაკალში, მზესუმზირაში, ოსპში. ჩართეთ ეს პროდუქტები რაციონში - ამით გაცილებით მრავალფეროვანსაც გახდით თქვენს მენიუს და მეტ სარგებლობასაც მოუტანთ ორგანიზმს.

საყვარელი სასუსნავი

სასუსნავის შერჩევისას სხვადასხვა პროდუქტის ნაკლებკალორიული, მაგრამ სასარგებლო შემცვლელები გამოიყენეთ. ისინი შეგიძლიათ მიირთვათ გვიან საღამოსაც, მთავარია, დარწმუნებული იყოთ, რომ მათი ენერგეტიკული ღირებულება 200 კკალ-ზე ნაკლებია. მაგალითად, ერთი ულუფა ქიშმიში ან გარგარის ჩირი სულ 80-90 კკალ-ს შეიცავს. შიმშილს მოგიკლავთ ბანანიც - ერთ ცალ საშუალო ზომის მწიფე ნაყოფში 109 კკალ და მხოლოდ 1გ ცხიმია. ქალების 62%-მა ზედმეტი წონა მას შემდეგ მოიშორა, რაც უარყო მკაცრი დიეტები. პროგრამა ასეთი იყო: ცომეულის შეზღუდვა, ცხოველური ცხიმის შემცირება და მეტი ფიზიკური დატვირთვა.

რამდენიმე რჩევა

ბოსტნეული მოხარშეთ სქელძირიან და მჭიდროდ თავდახურულ ქვაბში. სახურავი იშვიათად ახადეთ. პროდუქტი ასე უფრო მეტ ვიტამინს შეინარჩუნებს.

ბოსტნეულს შუშვის დროს ნუ დაუმატებთ მარილს, თორემ წვენი გაუვა და მასთან ერთად სასარგებლო მიკროელემენტებსა და ვიტამინებსაც დაკარგავს.