განსაზღვრავს თუ არა ჰორმონები ადამიანის სქესობრივ ორიენტაციას
მათვე მიაწერდნენ ჰომოსექსუალური მიდრეკილებების ჩამოყალიბებას, თუმცა მოგვიანებით გაირკვა, რომ ასე არ იყო. საკმაო ხანს დომინირებდა მოსაზრება, თითქოს ადამიანის ორგანიზმში ჰორმონების ბალანსის შებრუნებით შესაძლებელი იყო იმის მიღწევა, რომ მამაკაცსა და ქალს სქესობრივი ქცევისას როლები გაეცვალათ. ეს მოსაზრებაც გაქარწყლდა - ჰეტეროსექსუალი მამაკაცები ავადმყოფობის გამო ჩატარებულმა კასტრაციამ და ორგანიზმში ქალების სასქესო ჰორმონის შეყვანამ ჰომოსექსუალებად არ აქცია. მართალია, მათი სხეულის ფორმა შეიცვალა, დაკარგეს სქესობრივი ურთიერთობის უნარი, მაგრამ მამაკაცებით არ დაინტერესებულან და არც სექსუალური აქტივობისას ქალის როლის შეძენის სურვილი გასჩენიათ. ასეთივე რამ მოხდა ქალების შემთხვევაშიც - ქალებს, რომლებსაც ამოკვეთილი ჰქონდათ საკვერცხეები და იღებდნენ ტესტოსტერონს, არც მამაკაცებისადმი სქესობრივი ინტერესი დაუკარგავთ და არც სხვა ქალებთან სქესობრივ კონტაქტში შესვლის სურვილი გასჩენიათ. უფრო მეტიც - მათ შენარჩუნებული აქვთ სქესობრივი ლტოლვა. აღსანიშნავია, რომ საკვერცხეებამოკვეთილ ქალს შესაძლოა სექსუალური ინტერესი ადრინდელთან შედარებით გაზრდილიც კი ჰქონდეს. რაში გამოიხატება ფსიქოსექსუალური ორიენტაციის დარღვევა და რა არის სქესობრივი გადახრების მიზეზები, იხილეთ სტატიაში "სქესობრივი ორიენტაცია"