მსოფლიოში ყველაზე დიდი მკვლელი რაც არსებობს, ეს არის მაღალი არტერიული წნევა და მისით გამოწვეული გართულებები - დავით სერგეენკო
ჰიპერტენზიის შესახებ ცნობიერების ამაღლების კამპანია დღეს ჯანდაცვის მინისტრმა, დავით სერგეენკომ, გახსნა. მისი თქმით, საინფორმაციო ხასიათის ღონისძიებები 1 თვის განმავლობაში გაგრძელდება და მისი მიზანი საზოგადოებისთვის ჰიპერტენზიასთან დაკავშირებული საფრთხეების გაცნობაა.
"ის კამპანია, რომელიც დღეს განახლდა, არის მაღალი არტერიული წნევის ამოსაცნობად და მიმართულია მის სამკურნალოდ.
მსოფლიოში ყველაზე დიდი მკვლელი რაც არსებობს, ეს არის მაღალი არტერიული წნევა და მისით გამოწვეული გართულებები. ის კლავს უფრო მეტ ადამიანს, ვიდრე ყველა დანარჩენი მიზეზი ერთად აღებული. მთელი თვის განმავლობაში იქნება ინტენსიური საინფორმაციო კამპანია და მისი მიზანია, კიდევ ერთხელ ავუხსნათ საზოგადოებას ჰიპერტენზიასთან დაკავშირებული საფრთხეები და მათი მოგვარების გზები,"- განაცხადა დავით სერგეენკომ.