გრიპის მიმდინარე სეზონი რთული იქნება - აცხადებენ მეცნიერები
მსოფლიოში სეზონური გრიპისგან წელიწადში შეიძლება 646 000-მდე ადამიანი დაიღუპოს.
სპეციალისტებმა გამოარკვიეს, რომ სეზონური გრიპით გამოწვეული სიკვდილიანობის ყველაზე მაღალი მაჩვენებელი მსოფლიოს ღარიბ ქვეყნებსა და ხანდაზმულ ადამიანებშია. ყველაზე ხშირად მისგან 75 წელზე მაღალი ასაკის ადამიანები და ტროპიკული აფრიკის მცხოვრებლები იღუპებიან. აღმოსავლეთ ხმელთაშუაზღვისა და სამხრეთ აღმოსავლეთ აზიაში სიკვდილიანობა აფრიკასთან შედარებით დაბალია, თუმცა, მაინც დიდია.
მკვლევარები მიუთითებენ გრიპის პროფილაქტიკის მნიშვნელობაზე. ისინი მიიჩნევენ, რომ გრიპის მიმდინარე სეზონი რთული იქნება. სპეციალისტები გრიპის საწინააღმდეგო უნივერსალური ვაქცინის გამოჩენას იმედოვნებენ. აღსანიშნავია, რომ შექმნილია ვაქცინა ალერგიული ადამიანებისა და ორსულებისთვისაც. ახალ ვაქცინაში 3-ჯერ ნაკლები უცხო ცილაა, თუმცა იმუნიტეტი გამომუშავდება სწრაფად, განსაკუთრებული კომპონენტის - პოლიოქსიდონის ხარჯზე.
ლალი ჩხიკვაძე