როგორ შეიძლება თქვენმა ვაქცინაციამ სხვა ადამიანების სიცოცხლე იხსნას
მაგრამ იცოდით, რომ ადამიანებს ვაქცინაციით ზოგჯერ დაავადებისგან არა მარტო საკუთარი თავის, არამედ სხვისი დაცვაც შეუძლიათ?
გადამდებ დაავადებებს გასავრცელებლად ადამიანიდან ადამიანზე გადადების საშუალება სჭირდებათ. თუმცა რაც უფრო მეტი ინდივიდია იმუნიზებული ჯგუფში, მით უფრო იშვიათია კონტაქტი იმუნიტეტის არმქონე ადამიანებს შორის და დაავადების გავრცელება ერთი დასნეულებულიდან ჯგუფის სხვა წევრებზე რთულდება. სხვაგვარად რომ ვთქვათ, იმუნიტეტის მქონე ადამიანები აბრკოლებენ დაავადების გავრცელებას და ერთგვარ დამცავ ბარიერებს ქმნიან მათთვის, ვისაც იმუნიტეტი არ გააჩნია. ჯგუფის რაც უფრო დიდი ნაწილია ვაქცინირებული, მით უფრო ნელა ვრცელდება ეპიდემია ჯგუფის არავაქცინირებულ წერებს შორის, ხოლო თუ ჯგუფის ვაქცინირებული წევრების პროცენტული რაოდენობა საკმარისად დიდია, დაავადების გავრცელება შესაძლოა სრულიად შეუძლებელიც გახდეს.
ვიდეოში ხედავთ, თუ რამდენად ჩქარა ვრცელდება დაავადება იმ ჯგუფებში, რომლებშიც იმუნიტეტის მქონე ადამიანების რაოდენობა დაბალია. ჯგუფის ვაქცინირებული წევრების საშუალო რაოდენობა აფერხებს დაავადების გავრცელების სისწრაფეს, ხოლო თუ მათი რიცხვი 90-95%-ს მიაღწევს, დაავადების გავრცელება პრაქტიკულად შეუძლებელი ხდება იმუნიტეტის არმქონე ადამიანებს შორისაც კი. ამ ეფექტს ჯგუფური იმუნიტეტი ან პოპულაციური იმუნიტეტი ეწოდება.