ევროკავშირის ქვეყნებსა და ისრაელში დასავლეთ ნილოსის ცხელების აფეთქება დაფიქსირდა
რუმინეთზე. მიმდინარე წლის დასაწყისიდან ევროპაში დაფიქსირებულია ცხელების 400 შემთხვევა, 27 ადამიანი გარდაიცვალა.
სერბეთში დარეგისტრირებულია დასნებოვნების 126 შემთხვევა, იტალიაში - 123, საბერძნეთში - 75, უნგრეთში - 39, რუმინეთში - 31 შემთხვევა. ისრაელში დასნებოვნდა 68 ადამიანი, 2 მათგანი გარდაიცვალა.
მოსახლეობამ საზღვარგარეთ გამგზავრების წინ, სასურველია გაითვალისწინოს ეს ინფორმაცია. დაავადება ვლინდება ცხელებით, თავის ტკივილით, დაღლილობით, კუნთების ტკივილით, გულისრევით, ღებინებით, ზოგჯერ გამონაყარითა და ლიმფური კვანძების გადიდებით. არსებობს ცენტრალური ნერვული სისტემის მხრივ გართულებების რისკი (ენცეფალიტი, მენინგიტი, დამბლის შესაძლებელი განვითარება). დროული მკურნალობის არარსებობის დროს, ვითარდება ლეტალური გამოსავალი.
ექსპერტების აზრით, ცხელების აფეთქება დიდწილად დაკავშირებულია ანომალურად მაღალ ტემპერატურასთან და უხვ ნალექებთან. შედეგად, ინფექციის გადამტანი მოსკიტების რაოდენობა მნიშვნელოვნად გაიზარდა.
ლალი ჩხიკვაძე