როგორ მოვემზადოთ ლაბორატორიული კვლევისთვის - მკურნალი.გე
რუბრიკები
ოჯახის მკურნალის ანონსი
როგორ მოვემზადოთ ლაბორატორიული კვლევისთვის
როგორ მოვემზადოთ ლაბორატორიული კვლევისთვის
ლაბორატორიული კვლევის გარეშე შეუძლებელია ნებისმიერი დაავადების დროული და ზუსტი დიაგნოსტიკა. დაავადების გამოვლენამდე სისხლის მაჩვენებლები შეიძლება განგაშის სიგნალს იძლეოდეს. ლაბორატორიული ანალიზი შემდგომი ძიების გზას გვკარნახობს, ამიტომ რეგულარული პროფილაქტიკური კვლევა დროული მკურნალობის საწინდარია. თანამედროვე ლაბორატორიაში ანალიზების ჩასაბარებლად სწორად მომზადება კი ზუსტი დიაგნოზის წინაპირობაა.


სისხლის ანალიზის ჩასაბარებლად მომზადება

1. მთელი რიგი ანალიზები კეთდება უზმოზე. მაგალითად, ბიოქიმიური (გლუკოზა, ქოლესტეროლი, ბილირუბინი და სხვა) და სეროლოგიური ტესტები (ათაშანგი, ჰეპატიტი), ჰორმონები (თირეოტროპული ჰორმონი, პარათჰორმონი) და სხვა. „უზმოზე“ იგულისხმება, როდესაც ბოლო ჭამასა და სისხლის აღებას შორის არანაკლებ 8
საათია გასული (სასურველია არანაკლებ 12 საათისა). წვენი, ჩაი, ყავა, მით უმეტეს, შაქრით, ასევე საჭმელია. ამიტომ მოთმენა მოგიწევთ. შეიძლება მხოლოდ წყლის დალევა;

2. მკაცრად უზმოზე (12-საათიანი შიმშილის შემდეგ) უნდა ჩავაბაროთ სისხლი ლიპიდური პროფილის პარამეტრების განსაზღვისათვის: ქოლესტეროლი, ტრიგლიცერიდები;

3. სისხლის საერთო ანალიზის ჩაბარებისას საკვების უკანასკნელი მიღება უნდა
იყოს ანალიზის ჩაბარებამდე 1 საათით ადრე. საუზმე შეიძლება იყოს უშაქრო ჩაი, ვაშლი;

4. კვლევამდე 1-2 დღით ადრე სასურველია გამორიცხოთ რაციონიდან ცხიმიანი, შემწვარი კერძები და ალკოჰოლი. ანალიზის აღებამდე 1 საათით ადრე თავი შეიკავეთ მოწევისგანაც;

5. სისხლის ანალიზის ბევრი მონაცემის შეცვლა დღეღამურ რყევებს ექვემდებარება, ამიტომ ზოგიერთი კვლევისთვის სისხლი მკაცრად განსაზღვრულ დროს უნდა ჩაბარდეს. მაგალითად, ჰორმონებსა და რკინაზე მხოლოდ დილის 10 საათამდე;

6. ვენური სისხლის ჩაბარებისას უნდა გამოირიცხოს კვლევის შედეგებზე მოქმედი ფაქტორები: ფიზიკური დაძაბულობა (სირბილი, კიბეზე ასვლა), ემოციური აღგზნება. ამიტომ პროცედურის წინ საჭიროა 10-15 წუთი დასვენება და დამშვიდება;

7. სისხლის ანალიზის ჩაბარება საჭიროა მედიკამენტების (მაგალითად, ანტიბაქტერიულის და ქიმიოთერაპიულის) მიღებამდე. გამონაკლისია, თუ სისხლში წამლის კონცენტრაციის განსაზღვრაა საჭირო;

8. სისხლის ჩაბარება არარეკომენდებულია რენტგენოგრაფიის, რექტალური კვლევის ან ფიზიოთერაპიული პროცედურების შემდეგ;

9. რეპროდუქციული ასაკის ქალებთან (12-13 წლიდან კლიმაქსის პერიოდამდე) შედეგებზე გავლენას ახდენს მენსტრუალური ციკლის სტადიასთან დაკავშირებული ფიზიოლოგიური ფაქტორები. ამიტომ კვლევისთვის მოსამზადებლად საჭიროა ციკლის ფაზის მითითება;

10. ინფექციური პროცესის დასადგენი კვლევისას საჭიროა ინფიცირების პერიოდისა და იმუნური სისტემის მდგომარეობის გათვალისწინება. ნებისმიერ პაციენტს შეიძლება უარყოფითი შედეგი აღენიშნებოდეს, რაც ინფექციას არ გამორიცხავს.


პაციენტის მომზადება შარდის ანალიზისთვის

1. ანალიზის ჩაბარების წინ არაა რეკომენდებული ისეთი ხილისა და ბოსტნეულის მიღება, რომელიც შარდის ფერს შეცვლის (ჭარხალი, სტაფილო და სხვა). არ მიიღოთ დიურეტიკები. შარდის შეგროვების წინ აუცილებელია სასქესო ორგანოების ჰიგიენა. ქალებმა მენსტრუაციის დროს არ უნდა ჩააბარონ შარდის ანალიზი;

2. შეაგროვეთ დაახლოებით 50 მლ დილის შარდი კონტეინერში. კვლევის სწორად ჩასატარებლად უმჯობესია შარდის შუა ულუფა. მცირე რაოდენობა მოშარდეთ უნიტაზში და შუალედური ულუფა მოაგროვეთ კონტეინერში.

ლაბორატორიული კვლევების ოპტიმალური პროგრამის შედგენა და ანალიზის შედეგების შეფასება შეუძლია მხოლოდ მკურნალ ექიმს.
კომენტარი არ გაკეთებულა
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
რეკომენდირებული პროდუქტები
ამ კატეგორიის სხვა სტატიები
ალბათ ბევრს აინტერესებს, რატომ იღებენ სისხლს ანალიზისთვის მაინცდამაინც უსახელო (მეოთხე) თითიდან?
ნებისმიერი სერიოზული სისხლდენა სისხლის იშვიათი ჯგუფის მქონე ადამიანებისთვის დიდ პრობლემად იქცევა.
ბუნებამ უამრავი მექანიზმი შექმნა სხვადასხვა საშიშროებისგან ადამიანის დასაცავად.
სისხლის ანალიზი შაქარზე ლაბორატორიული კვლევის ერთ-ერთი ყველაზე ხშირად ჩატარებული ანალიზია, რაც სრულიად გასაგებია.
სამედიცინო დაწესებულებაში პაციენტისათვის ჩატარებულ პროცედურათა შორის, ლაბორატორიული კვლევები
ინფექციური დაავადებები მოავადე ადამიანის სისხლში შესაბამის ანტისხეულებს ინიცირებს.
05 მარტი 2015
ვმუშაობ და თავისუფალი დრო ძალიან ცოტა მაქვს. ახლახან თაყვანისმცემელი გამიჩნდა, ალბათ შეხვედრებს დავიწყებთ.
05 იანვარი 2018
ბევრი მშობელი ღელავს იმის გამო, რომ მათ შვილებს პრობლემები ექმნებათ სწავლის პროცესში, ჩამორჩებიან თანატოლებს, ძნელად ითვისებენ სასწავლო მასალას.
მოგეხსენებათ, საკვებ რაციონში ცხიმების მარაგის შემცირება–გაზრდით შესაძლებელია სხეულის მასის
რაციონი არა მარტო ფიზიკური ფორმის შენარჩუნებისთვისაა მნიშვნელოვანი, არამედ ტვინის ეფქტური მუშაობისთვისაც!
კუჭის წყლული სწრაფად რომ შეხორცდეს, მიიღეთ ჩვეულებრივი ასფურცელას ნაყენი. 1 სადილის კოვზ ყვავილს დაასხით