დიაბეტთან ბრძოლის მსოფლიო დღე
ყოველწლიურად აღინიშნება. 2007 წლიდან კი ამ დღის სიმბოლო ლურჯი რგოლი გახდა.
მრავალი საუკუნის განმავლობაში ამ დაავადებასთან ბრძოლის საშუალება არ არსებობდა და დიაგნოზი „შაქრიანი დიაბეტი“ პაციენტს არა თუ გამოჯანმრთელების, გადარჩენის შანსსაც კი არ უტოვებდა.
შაქრიანი დიაბეტი დღესაც უკურნებელი დაავადებაა, თუმცა ინსულინის საშუალებით ადამიანებმა ისწავლეს ამ დაავადების კონტროლი. უკანასკნელ წლებში, დიაბეტოლოგიის სფეროში მეცნიერების მიღწევები დიაბეტით გამოწვეული პრობლემების გადაჭრის იმედს იძლევა. შაქრიანი დიაბეტი, ისევე, როგორც ათეროსკლეროზი და კიბო, შედის იმ დაავადებების სამეულში, რომლებიც ყველაზე ხშირად იწვევს ადამიანების სიკვდილსა და ინვალიდობას.
დიაბეტისთვის დამხასიათებელია სისხლში გლუკოზის დონის მატება, რომელიც ნებისმიერ ასაკში შეიძლება განვითარდეს და მთელი ცხოვრება გრძელდება. განარჩევენ ტიპი 1 შაქრიან დიაბეტს (ინსულინდამოკიდებული) და ტიპი 2 შაქრიან დიაბეტს (ინსულინდამოუკიდებელი). პრობლემის აქტუალურობა განპიროებებულია აღნიშნული დაავადების გავრცელებით. დიაბეტით დაავადებულთა რიცხვი ყოველწლიურად მატულობს.
განსაკუთრებით კატასტროფულია ტიპი 2 შაქრიანი დიაბეტით დაავადების ზრდა, რომლის წილიც 85%-ზე მეტია. მის განვითარებაში მნიშვნელოვნად მოქმედებს ჭარბი წონა და ფიზიკური ინერტულობა. ტიპი 2 შაქრიანი დიაბეტის პროფილაქტიკის ეფექტური საშუალებებია ცხოვრების ჯანსაღი წესი და სწორი კვება.
ლალი ჩხიკვაძე